scorecardresearch

Premium

आधी हत्येचा कट रचल्यावरून भारतीय अधिकाऱ्याकडे बोट, आता अमेरिकेचे प्रवक्ते म्हणाले…

अमेरिकेने केलेला आरोप ही ‘चिंतेची बाब’ असल्याचं भारताने म्हटलं. यानंतर आता अमेरिकेच्या सुरक्षा परिषदेचे प्रवक्ते जॉन किर्बी यांनी अमेरिका-भारत संबंधावर प्रतिक्रिया दिली.

America India Murder allegation
हत्येच्या कटाच्या आरोपावर भारताची तीव्र प्रतिक्रिया (छायाचित्र – लोकसत्ता ग्राफिक्स )

अमेरिकेने एका शीख फुटीरतावाद्याची न्यूयॉर्कमध्ये हत्या करण्याचा कट रचल्यावरून भारतीय सरकारी अधिकाऱ्याकडे बोट दाखवलं. यानंतर भारताच्या परराष्ट्र मंत्रालयाने तीव्र प्रतिक्रिया दिली. अमेरिकेने केलेला आरोप ही ‘चिंतेची बाब’ असल्याचे मंत्रालयाचे प्रवक्ता अरिंदम बागची यांनी म्हटलं. यानंतर आता अमेरिकेच्या सुरक्षा परिषदेचे प्रवक्ते जॉन किर्बी यांनी अमेरिका-भारत संबंधावर प्रतिक्रिया दिली. यात त्यांनी अमेरिका या प्रकरणाला गांभीर्याने घेत आहे, असंही नमूद केलं.

जॉन किर्बी म्हणाले, “भारत अमेरिकेचा धोरणात्मक भागीदार आहे. आम्ही यापुढेही भारताबरोबरचे धोरणात्मक भागीदारी सुधारण्यासाठी आणि अधिक मजबूत करण्यासाठी काम करत राहू. याचवेळी हत्येच्या कटाच्या प्रकरणाला आम्ही गांभीर्याने घेतलं आहे.या आरोपांना आणि या तपासाला आम्ही खूप गांभीर्याने घेतलं आहे.”

Will Julian Assange be extradited to the America What will be the next action
ज्युलियन असांज यांचे अमेरिकेत प्रत्यार्पण होणार का? पुढील कारवाई काय असेल?
russia full control of avdiivka
विश्लेषण : युक्रेनचे आव्हदिव्हका शहर रशियाच्या ताब्यात… अमेरिकी मदतीस विलंबाचा फटका?
Chinese Foreign Minister in Africa
चीनचे परराष्ट्र मंत्री आफ्रिकेत? चीनच्या मनात नक्की आहे तरी काय?
importance of drones increasing in world marathi news, 3 usa soldiers killed in drone attack marathi news,
विश्लेषण : जगात ड्रोनचे महत्त्व वाढण्याचे कारण काय? इराणी ड्रोन किती विध्वंसक?

“भारतानेही हे प्रकरण गांभीर्याने घेत तपासासाठी स्वतः प्रयत्न सुरू केले आहेत हे पाहून आम्ही समाधानी आहोत. आमची भूमिका स्पष्ट आहे की, या गुन्ह्यात जे दोषी आहेत त्यांची जबाबदारी निश्चित व्हायला हवी,” असंही किर्बी यांनी नमूद केलं.

नेमकं प्रकरण काय?

अमेरिका व कॅनडाचे दुहेरी नागरिकत्व असल्याचे सांगणारा शीख फुटीरतावादी गुरपतवंतसिंग पन्नू याच्या हत्येच्या फसलेल्या कटासंदर्भात अमेरिकेतील न्यायालयात आरोपपत्र दाखल करण्यात आले आहे. निखिल गुप्ता नामक व्यक्तीवर कटाचा आरोप ठेवण्यात आला असून एका भारतीय सरकारी अधिकाऱ्याच्या सांगण्यावरून त्याने हा कट रचल्याचा उल्लेख आरोपपत्रात करण्यात आला आहे.

हेही वाचा : “आपल्या सरकारी धोरणांविरोधात…”, शीख अतिरेक्याच्या हत्येच्या कटाप्रकरणी अमेरिकेच्या आरोपांना मोदी सरकारचं उत्तर

हत्येच्या कटाच्या आरोपावर भारताची प्रतिक्रिया

याबाबत गुरूवारी बागची यांना विचारले असता आरोपांचा तपास करण्यासाठी भारताने एक तपास पथक स्थापन केल्याचे त्यांनी स्पष्ट केले. ‘एका भारतीय व्यक्तीवरील आरोप व त्याचा भारतीय अधिकाऱ्याशी संबंध जोडला जाणे ही चिंतेची बाब आहे. मात्र हे सरकारच्या धोरणाविरुद्ध असल्याचे आम्ही पूर्वीही सांगितले असून मी त्याचा पुनरुच्चार करू इच्छितो’, असे बागची पत्रकार परिषदेत म्हणाले. संघटित गुन्हे, मानवी तस्करी, शस्त्रांची चोरटी आयात आणि अतिरेकी यांच्यात आंतरराष्ट्रीय स्तरावरील परस्पर संबंध हा यंत्रणांसाठी कायम विचारात घेण्याचा गंभीर मुद्दा राहिल्याचे त्यांनी नमूद केले. अमेरिकेने या संबंधात काही माहिती सोपवल्याचेही त्यांनी स्पष्ट केले.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: America white house official comment on india as partner after alleged assassination plot

First published on: 01-12-2023 at 08:57 IST

संबंधित बातम्या

तुम्ही या बातम्या वाचल्या आहेत का? ×