नवी दिल्ली : देशभरातील ट्रॅव्हल एजंटनी विद्यार्थी व्हिसाचा गैरवापर करून रशियामध्ये जाणाऱ्या भारतीयांची फसवणूक केली आणि अखेरीस त्यांना युक्रेनबरोबर सुरू असलेल्या युद्धामध्ये सहभागी होण्यास भाग पाडले असा धक्कादायक प्रकार केंद्रीय अन्वेषण विभागाच्या (सीबीआय) तपासामध्ये आढळून आला आहे. यासाठी तुलनेने फारशी प्रसिद्ध नसलेली खासगी विद्यापीठे, शुल्कामध्ये सवलत, व्हिसाच्या मुदतीत वाढ अशा आमिषांचा वापर करण्यात आला. दिल्ली, मुंबई, अंबाला, चंडीगड, मदुराई, तिरुवअनंतपुरम आणि चेन्नई या सात शहरांमधील जवळपास १५ ठिकाणी शोध मोहीम राबवल्यानंतर सीबीआयच्या हाती यासंबंधी माहिती लागली आहे. या ठिकाणी असलेले विविध एजंट, तसेच रशियामधील तीन एजंट, या सर्वांनी मिळून भारतीय तरुणांची, विशेषत: विद्यार्थ्यांची फसवणूक केली. दिल्लीमधील एका एजंटने विद्यार्थी व्हिसावर १८० जणांना रशियाला पाठवल्याचे आढळले आहे.

हेही वाचा >>> प्राप्तिकर लवादाचा काँग्रेसला धक्का

Russia Ukraine War
रशिया आणि युक्रेनमधील युद्ध थांबणार? व्लादिमीर पुतिन ‘ही’ भूमिका घेण्याच्या तयारीत
How Europe struggles to fund the Ukraine War
युक्रेन युद्धाच्या निधी पुरवठ्यासाठी युरोपचा संघर्ष? जर्मनीसह इतर देशांची भूमिका काय?
Who is Vaibhav Kale?
Vaibhav Kale: गाझा युद्धात वीरमरण आलेले वैभव काळे कोण होते?, मानवता जपणारा अधिकारी काळाच्या पडद्याआड
India-US on Chabahar Port deal
Chabahar Port Agreement: इराणशी सहकार्य करणाऱ्यांना फळं भोगावी लागतील! अमेरिकेची भारताला गर्भित धमकी
Who exactly is Archit Grover of Indian origin
कॅनडात सोन्याची आजवरची सर्वात मोठी फ्लिमी स्टाइल चोरी; अटकेतील भारतीय वंशाचा अर्चित ग्रोव्हर नेमका कोण?
Exactly how many nuclear weapons does Pakistan have How much threat to India from them
विश्लेषण : पाकिस्तानकडे नेमकी किती अण्वस्त्रे आहेत? त्यांच्यापासून भारताला किती धोका?
Israel tank brigade seizes Palestinian control of the Rafah border between Egypt and Gaza forcing it to close
अमेरिकेकडून मदत थांबूनही इस्रायली रणगाडे राफामध्ये… युद्धविरामाची शक्यता मावळली? आणखी किती नरसंहार?
exact reason behind the trade war between China and Europe
चीन अन् युरोपमधील व्यापार युद्धाच्या मागे नेमके कारण काय?

रशिया-युक्रेन युद्धामध्ये दोन भारतीय तरुणांचा मृत्यू झाल्यानंतर यासंबंधी तपास सुरू करण्यात आला. मृत तरुणांपैकी एकजण गुजरातमधील तर दुसरा तेलंगणातील होता. या प्रकरणी परराष्ट्र मंत्रालयाने शुक्रवारी एक निवेदन प्रसृत केले. ‘‘अनेक भारतीय नागरिकांना फसवून रशियाच्या लष्करासाठी सहाय्यक कर्मचारी म्हणून काम करण्यास भाग पाडले असून आम्ही हा मुद्दा रशियाच्या अधिकाऱ्यांकडे गांभीर्याने उपस्थित केला असून त्यांची लवकर सुटका करण्यासाठी परराष्ट्र मंत्रालय प्रयत्न करत आहे,’’ असे परराष्ट्र विभागाचे प्रवक्ते रणधीर जयस्वाल यांनी सांगितले. या प्रकरणात अडकलेल्या तरुणांना खोटी आश्वासने देऊन त्यांना फसवणाऱ्या एजंट आणि संशयितांविरोधात कठोर कारवाई सुरू केल्याची माहितीही जयस्वाल यांनी दिली. सीबीआयने गुरुवारी मोठे मानवी तस्करीचे मोठे जाळे उद्ध्वस्त केले असल्याचेही ते म्हणाले. अनेक एजंटविरोधात मानवी तस्करीचा गुन्हा दाखल करण्यात आला आहे असे त्यांनी सांगितले.