scorecardresearch

Premium

“सावरकर वीर नव्हते, मी प्रभारी असतो तर…”, काँग्रेस नेत्याच्या वक्तव्यामुळे नवा वाद; भाजपाचं प्रत्युत्तर

वीर सावरकर यांच्याविषयी कर्नाटकचे नेते प्रियांक खरगे यांनी हे वक्तव्य केलं आहे त्यामुळे वाद निर्माण होण्याची चिन्हं आहेत.

Veer Savarkar
वीर सावरकर (संग्रहीत फोटो )

सावरकर हे काही वीर नव्हते. जर मी प्रभारी असतो तर सुवर्ण विधानसभेत लावण्यात आलेला त्यांचा फोटो काढून टाकला असता. असं वक्तव्य कर्नाटकातील काँग्रेसचे नेते आणि मंत्री प्रियांक खरगे यांनी केलं आहे. प्रियांक खरगे यांच्या या वक्तव्यामुळे नवा वाद निर्माण होण्याची शक्यता आहे. खरगे यांच्या वक्तव्यावर भाजपाने तीव्र नाराजी व्यक्त केली आहे.

काय म्हटलं आहे प्रियांक खरगेंनी?

“सावरकरांचे योगदान काय? या विषयावर काँग्रेस कार्यालयातील पत्रकार परिषदेत मी दीड तास बोललो. सावरकरांना वीर ही पदवी कशी मिळाली हे भाजपाने सांगितलं पाहिजे. तसंच वीर ही पदवी सावरकरांना कुणी दिली? सावरकर इंग्रजांकडून पेन्शन घेत नव्हते हे भाजपा सांगेल का? मी आज माझं मत मांडतो आहे. माझ्या हाती असतं तर विधानसभेतून सावरकरांचा फोटो काढून टाकला असता. सावरकर अजिबात वीर नव्हते याबाबत मी आव्हान द्यायलाही तयार आहे.” असं प्रियांक खरगे यांनी म्हटलं आहे.

satya pal malik
मोदी सरकारविरोधात बोलणं सत्यपाल मलिकांना भोवणार? सीबीआयच्या छापेमारीनंतर राजकीय चर्चांना उधाण!
Uddhav Thackeray
“उद्धव ठाकरेंना शिवसेना पक्ष आणि धनुष्यबाण चिन्ह पुन्हा मिळू शकतं”, SC च्या वकिलांनी केलं स्पष्ट; म्हणाले…
Vijay Wadettivars reaction to Ashok Chavan join BJP
चव्हाणांच्या पक्षांतरावर वडेट्टीवारांची प्रतिक्रिया, म्हणाले “एक व्यक्ती गेला म्हणजे…”
Advani to Swaminathan BJP 4 points behind giving Bharat Ratna
अडवाणी ते स्वामिनाथन! ५ दिग्गजांना सर्वोच्च सन्मान; ‘भारतरत्न’ देण्यामागे भाजपाचे ४ मुद्दे; नेमकं राजकारण काय? वाचा…

काँग्रेस नेते बी के हरीप्रसाद यांनीही प्रियांक खरगे योग्य भूमिका मांडली आहे असं म्हटलं आहे. सावरकरांचे स्वातंत्र्य लढ्यातलं योगदान शून्य आहे असंही ते म्हणाले. भाजपाची सत्ता आल्याने कर्नाटक विधानसभेत सावरकर यांचं चित्र लावण्यात आलं. भाजपाला इतिहास बदलायचा आहे. असा आरोप बी. के. हरीप्रसाद यांनी केला.

भाजपाने काय म्हटलं आहे?

कर्नाटक विधानसभेतून जर वीर सावरकर यांचं चित्र हटवण्यात आलं तर तीव्र निषेध नोंदवला जाईल असा इशाऱा भाजपा आमदार भरत शेट्टींनी दिला आहे. प्रियांक खरगे यांच्याकडे चुकीची माहिती आहे. मात्र त्यांना वाटते की ते सुशिक्षित लोकांपैकी आहेत. वीर सावरकरांचे चित्र काढण्याचा प्रयत्न केल्यास सभागृह आणि सभागृहाच्या बाहेर तीव्र विरोध केला जाईल असा इशाराच भाजपाने दिला आहे.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Congress leader priyank kharge objectionable statement on veer savarkar poster bjp gave strong reply scj

First published on: 07-12-2023 at 17:29 IST

संबंधित बातम्या

तुम्ही या बातम्या वाचल्या आहेत का? ×