scorecardresearch

Premium

‘त्यांनी आम्हाला खांद्यावर उचलले’बचाव पथकाच्या कर्मचाऱ्यांचे अनुभवकथन

ढिगाऱ्याच्या अखेरच्या १२ मीटर पट्टय़ाचे खोदकाम करणाऱ्या १२ सदस्यांच्या ‘रॅट-होल मायिनग’ पथकाचे फिरोज कुरेशी आणि मोनू कुमार हे दोघे सर्वात आधी अडकलेल्या ४१ मजुरांना भेटले.

uttrakhand workers
(मजुरांची सुखरूप सुटका करणारे ‘रॅट-होल मायिनग’ पथकाचे १२ सदस्य – (वरील रांगेत डावीकडून उजवीकडे ) – वकील हसन (नेता), मोनू कुमार, फिरोज कुरेशी, नासिर खान, जतिन, देवेंद्र कुमार, (खालील रांगेत डावीकडून उजवीकडे ) मुन्ना कुरेशी, इर्शाद अन्सारी, रशीद अन्सारी, नसीम मलिक, अंकुर आणि सौरभ)

पीटीआय, उत्तरकाशी

ढिगाऱ्याच्या अखेरच्या १२ मीटर पट्टय़ाचे खोदकाम करणाऱ्या १२ सदस्यांच्या ‘रॅट-होल मायिनग’ पथकाचे फिरोज कुरेशी आणि मोनू कुमार हे दोघे सर्वात आधी अडकलेल्या ४१ मजुरांना भेटले. ढिगाऱ्याचा अखेरचा अडथळा हटवल्यानंतर हे दोघे बोगद्यामध्ये उतरले. त्या वेळी मजुरांनी हर्षभराने आपले स्वागत केल्याचे कुरेशी आणि कुमार यांनी सांगितले.

ravindra-dhangekar-12
आंदोलन करणाऱ्या मविआच्या कार्यकर्त्यांना पोलिसांची धक्काबुक्की; आमदार धंगेकर म्हणाले, “पुणे पोलिसांची…”
nagpur mahavitaran marathi news, 2 outsourced employees beaten up marathi news
ऊर्जामंत्र्यांच्या शहरात महावितरणच्या दोन बाह्यस्त्रोत कर्मचाऱ्यांची एकाला मारहाण…
mumbai fire breaks out at penthouse of goregaon high rise
गोरेगावमध्ये गगनचुंबी इमारतीत भीषण आग; अग्निरोधक यंत्रणा बंद, पण अग्निशमन दलाच्या जवानांच्या प्रयत्नांना यश
students
विद्यार्थ्यांच्या ओळखपत्रावर आता लाल किंवा हिरव्या रंगाचा ठिपका, शिक्षण विभागाचा नवा निर्णय काय? वाचा सविस्तर

दिल्लीच्या खजुरी खासचे रहिवासी असलेल्या फिरोज कुरेशी यांनी सांगितले की, ‘‘आम्ही ढिगाऱ्याच्या अखेरचा भाग दूर करत असताना त्यांना आमचे आवाज ऐकू जात होते. आम्ही त्यांच्यापर्यंत पोहोचल्यानंतर त्यांनी आमचे आभार मानले आणि मला मिठी मारली. त्यांनी मला खांद्यावरही उचलून घेतले. मला त्यांच्यापेक्षाही जास्त आनंद झाला होता.’’

हेही वाचा >>>नागरिकत्व दुरुस्ती कायदा कोणीही थांबवू शकत नाही; गृहमंत्री अमित शहा यांचा दावा

कुरेशी हे दिल्लीतील रॉकवेल एंटरप्रायजेस या कंपनीचे कर्मचारी असून बोगदा कामातील तज्ज्ञ आहेत. कुरेशी यांच्याबरोबर उत्तर प्रदेशातील बुलंदशहरचे सोनू कुमार हेही होते. कुमार यांनी स्वत:चा अनुभव सांगितला की, ‘‘त्यांनी मला बदाम दिले आणि माझे नाव विचारले. त्यानंतर आमचे बाकीचे सहकारीदेखील तिथे पोहोचले आणि आम्ही तिथे साधारण अर्था तास होतो.’’ त्यांच्यानंतर एनडीआरएफचे कर्मचारी बोगद्यामध्ये पोहोचले. ते आल्यानंतर आम्ही बाहेर पडलो असे कुमार यांनी सांगितले. या ऐतिहासिक कामात सहभागी असल्याबद्दल त्यांनी आनंद व्यक्त केला.

रॉकवेल एंटरप्रायजेसच्या १२ सदस्यांच्या ‘रॅट-होल मायिनग’ पथकाचे प्रमुख असलेले वकील हसन यांनी सांगितले, की ‘‘कंपनीने चार दिवसांपूर्वी त्यांना बचावकार्यामध्ये सहभागी होण्यास सांगितले. ढिगाऱ्यातून ऑगरचे तुटलेले तुकडे बाहेर काढताना कामाला उशीर झाला. आम्ही सोमवारी दुपारी ३ वाजता कामाला सुरुवात केली आणि मंगळवारी संध्याकाळी ६ वाजता काम संपले.’’विशेष म्हणजे बचावकार्यामध्ये महत्त्वाची भूमिका बजावलेल्या या १२ जणांनी कोणतेही शुल्क आकारले नाही.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Feroze qureshi and monu kumar of the 12member rathole mining team of diggers met the 41 trapped laborers amy

First published on: 30-11-2023 at 03:24 IST

संबंधित बातम्या

तुम्ही या बातम्या वाचल्या आहेत का? ×