Israel Iran Tensions : इस्रायलने १ एप्रिल रोजी इराणच्या सीरियामधील दूतावासावर हल्ला केल्यानंतर या दोन्ही देशांतील तणाव शिगेला पोहोचला आहे. या हल्ल्यात दोन लष्करी अधिकाऱ्यांसह ‘रिव्हॉल्यूशनरी गाडर्स्’चे सात कर्मचारी मारले गेले होते. या हल्ल्याचा बदला घेण्याची धमकी इराणने दिल्यानंतर शनिवारी इस्रायलशी संबंधित जहाज ताब्यात घेण्यात आले. तर रविवारी पहाटे इराणने इस्रायलवर क्षेपणास्रे डागून अघोषित युद्धाला सुरुवात केली आहे. इराणच्या या कृत्यामुळे या दोन्ही देशांत वाद आता चिघळण्याची शक्यता असून जग पुन्हा युद्धच्या छायेत जाण्याची शक्यता आहे.