अखेर डॉक्टरांचा संप मागे

पश्चिम बंगालमध्ये आठवडाभरापासून सुरू असलेला डॉक्टरांचा संप अखेर मिटण्याची शक्यता आहे.

(संग्रहित छायाचित्र)

पश्चिम बंगालमध्ये आठवडाभरापासून सुरू असलेला डॉक्टरांचा संप अखेर मिटला आहे. पश्चिम बंगालच्या मुख्यमंत्री ममता बॅनर्जी यांच्यासोबत झालेल्या बैठकीनंतर तोडगा निघाला आहे.

कोलकातातील मंत्रालयाजवळ असलेल्या एका सभागृहात डॉक्टर आणि ममता बॅनर्जी यांच्यामध्ये बैठक झाली. विशेष म्हणजे या बैठकीचे लाइव्ह कव्हरेज करण्यासही ममतांनी परवानगी दिली होती.बैठकीला पश्चिम बंगालमधील सर्व वैद्यकीय महाविद्यालयांचे प्रत्येकी दोन प्रतिनिधी उपस्थित होते. सोमवारी झालेल्या प्रदीर्घ बैठकीनंतर ममता बॅनर्जी यांनी सकारात्मक भूमिका घेतली. बैठकीतूनच ममता यांनी कोलकाताचे पोलीस आयुक्त अनुज शर्मा यांना शहरातील प्रत्येक रुग्णालयात एक पोलीस अधिकारी तैनात करण्याचे निर्देश दिले आहेत.

ज्युनिअर डॉक्टरला झालेल्या मारहाणीचा निषेध नोंदवत संप पुकारण्यात आला होता. डॉक्टरांवर होणारे हल्ले रोखण्यासाठी कठोर कायदा करा, डॉक्टरांना सुरक्षा पुरवा अशा मागण्या प्रामुख्याने करत हा संप पुकारण्यात आला आहे. कोलकातामधील डॉक्टरांना पाठिंबा दर्शवण्यासाठी देशभरातील डॉक्टरही संपावर गेले होते. त्यामुळे देशातील मोठ्या शहरांमध्ये वैदकीय सेवांवर परिणाम झाला होता.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Junior doctors to go back to nrs medical college in kolkata announce their decision nck

Next Story
शांत व आरोग्यदायी झोपेसाठी सेंद्रिय बिछाना
ताज्या बातम्या