Premium

‘अ‍ॅनिमल’ सिनेमाविरोधात संसदेतही हल्लाबोल

अतोनात हिंसा आणि अमानुष पुरुषी प्रवृत्तीचे समर्थन करणाऱ्या ‘अ‍ॅनिमल’ चित्रपटाविरोधात गुरुवारी संसदेतही सूर उमटले.

Protests in Parliament against Animal film for endorsing extreme violence and inhumane masculinity
‘अ‍ॅनिमल’ सिनेमाविरोधात संसदेतही हल्लाबोल ( संग्रहित छायाचित्र)/ लोकसत्ता

नवी दिल्ली : अतोनात हिंसा आणि अमानुष पुरुषी प्रवृत्तीचे समर्थन करणाऱ्या ‘अ‍ॅनिमल’ चित्रपटाविरोधात गुरुवारी संसदेतही सूर उमटले. या चित्रपटाला प्रेक्षकांचा प्रचंड प्रतिसाद मिळत असला तरी, त्याविरोधात गुरुवारी संसदेत काँग्रेसच्या महिला खासदार रंजिता रंजन यांनी हल्लाबोल केला. ‘माझ्या मुलीची मैत्रिण सिनेमा बघत असताना रडत-रडत बाहेर निघून गेली. महाविद्यालयीन मुलगी असह्य होऊन सिनेमा अध्र्यावर सोडून जात असेल तर हा सिनेमा महिलांबद्दल कोणती भावना ठेवतो हे स्पष्ट होते’, असा मुद्दा रंजन यांनी राज्यसभेत शून्य प्रहरात मांडला.

या बातमीसह सर्व प्रीमियम कंटेंट वाचण्यासाठी साइन-इन करा

‘अ‍ॅनिमल वा कबीर सिंह यासारख्या चित्रपटांनी नकारात्मक भावनांचे, हिंसेचे, महिलांचा निकृष्ट दर्जाची वागणूक देण्याचे आणि त्यांचा अपमान करण्याचे बेभान समर्थन केले आहे. त्या विरोधात भूमिका घेण्याची गरज आहे’, असे रंजिता रंजन म्हणाल्या. अ‍ॅनिमल किंवा कबीर सिंह अशा चित्रपटांना सेन्सॉर बोर्ड प्रोत्साहन कसे देऊ शकते, असा प्रश्न रंजन यांनी उपस्थित केला.

हेही वाचा >>>वादळग्रस्त तमिळनाडूला ४५० कोटींचा दुसरा हप्ता; मदतीचा दुसरा हप्ता देण्याचे पंतप्रधानांचे निर्देश : राजनाथ

धार्मिक भावनाही दुखावल्या!

अ‍ॅनिमलमध्ये ‘अर्जुन वेल्ली ने जोर के.. ’ हे गाणे असून त्याचा संदर्भ हरिसिंह नलवा यांच्याशी आहे. गुरु गोविंद सिंह यांनी मोघलांविरोधात संघर्ष केला, तेव्हा हरीसिंह नलवा सेनापती होते. या गाण्यामुळे  शीखांच्या धार्मिक भावना दुखावण्याचा प्रयत्न झाला असल्याची टीका रंजिता रंजन यांनी केली.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Protests in parliament against animal film for endorsing extreme violence and inhumane masculinity amy

First published on: 08-12-2023 at 03:55 IST
Next Story
वादळग्रस्त तमिळनाडूला ४५० कोटींचा दुसरा हप्ता; मदतीचा दुसरा हप्ता देण्याचे पंतप्रधानांचे निर्देश : राजनाथ