scorecardresearch

Premium

छत्तीसगडमध्ये भाजपाची सत्ता आल्यास मुख्यमंत्री बनणार का? रमण सिंह यांनी दिलं उत्तर, म्हणाले…

छत्तीसगड विधानसभा निवडणुकीची मतमोजणी सुरू असता रमण सिंह यांनी प्रतिक्रिया दिली आहे.

Chhattisgarh Election Result 2023
(फोटो-लोकसत्ता ग्राफिक्स टीम)

छत्तीसगड विधानसभा निवडणुकीची मतमोजणी सुरू आहे. सुरुवातीच्या काही फेऱ्यामध्ये काँग्रेसने जोरदार मुसंडी मारल्याचं चित्र होतं. पण आता मतांचा कल काही प्रमाणात भाजपाच्या बाजूने झुकताना दिसत आहे. यावर आता छत्तीसगडचे माजी मुख्यमंत्री आणि भाजपाचे वरिष्ठ नेते रमण सिंह यांनी प्रतिक्रिया दिली आहे. छत्तीसगडमध्ये भाजपाची सत्ता येईल, असा विश्वास त्यांनी व्यक्त केला आहे. शिवाय भाजपाची सत्ता आल्यास मुख्यमंत्री पदाची जबाबदारी स्वीकारणार का? यावरही रमण सिंह यांनी प्रतिक्रिया दिली आहे. ते पत्रकारांशी संवाद साधत होते.

‘छत्तीसगडमध्ये भाजपाचीच सत्ता येईल’ असा दावा करत रमण सिंह म्हणाले की, छत्तीसगड विधानसभा निवडणुकीत विद्यमान मुख्यमंत्री भूपेश बघेल यांच्या भ्रष्टाचाराचा मुद्दा खूप मोठा होता. मद्य घोटाळा, कोळसा घोटाळा आणि महादेव अॅप घोटाळा अशा प्रकरणामुळे लोक भूपेश बघेल यांना बदलू इच्छित होते. राज्यातील प्रत्येक महिलेनं आणि युवकांनी आम्हाला मतदान केलं. शेतकऱ्यांनीही आम्हाला मतदान केलं.

Madhya Pradesh Congress
महाराष्ट्राच्या माजी मुख्यमंत्र्यांनंतर आता मध्यप्रदेशचे माजी सीएम कमलनाथही भाजपाच्या वाटेवर? राजकीय चर्चांना उधाण!
kamalnath
भाजपा प्रवेशाच्या चर्चेवर कमलनाथ यांनी सोडले मौन; म्हणाले, “माझा…”
ram mandir congress
उत्तर प्रदेशच्या दोन काँग्रेस आमदारांची मुख्यमंत्री योगींसोबत अयोध्या यात्रा; पक्षांतर्गत मतमतांतरं असण्यामागे कारण काय?
BJP-JD(S) seat sharing
भाजपा-जेडी(एस) जागावाटपाची चर्चा अंतिम टप्प्यात, कुमारस्वामी चिक्कबल्लापूरमधून लढण्याची शक्यता, गौडांबाबत अस्पष्टता

भाजपाची सत्ता आल्यास तुम्ही मुख्यमंत्री व्हाल का? असा प्रश्न विचारला असता रमण सिंह यांनी पुढे नमूद केलं, “हा पक्षाचा निर्णय आहे. मी एक सामान्य कार्यकर्ता आहे. पक्षाने मला जेव्हा जी जबाबदारी दिली, त्याचं मी पालन केलं. यापुढेही जसे पक्षाचे निर्देश असतील, त्याप्रमाणे ज्याला जी जबाबदारी दिली जाईल, त्याच्याबरोबर आम्ही सगळे मिळून छत्तीसगडमध्ये चांगलं सरकार स्थापन करू.”

हेही वाचा- Chhattisgarh Election Result 2023 Live: काँग्रेसची ४७ जागांवर आघाडी, भाजपाची स्थिती काय? छत्तीसगड विधानसभा निवडणुकीचा निकाल एका क्लिकवर

“मी पार्टीकडे कधीही काहीही मागितलं नाही. पार्टीने जेव्हा जी जी जबाबदारी दिली, ती मी पार पाडली. पुढे माझ्याकडे कोणती जबाबदारी द्यायची, ते पक्षाचे वरिष्ठ लोक ठरवतील. दोन फेऱ्यांमध्ये मुख्यमंत्री भूपेश बघेल मागे पडले. याचा अर्थ जनमत त्यांच्या विरोधात आहे,” असंही रमण सिंह म्हणाले.

Latest Comment
View All Comments
Post Comment

मराठीतील सर्व निवडणूक २०२४ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Chhattisgarh election result 2023 raman singh reaction claim bjp win comment on cm post congress rmm

First published on: 03-12-2023 at 12:06 IST

संबंधित बातम्या

तुम्ही या बातम्या वाचल्या आहेत का? ×