Video: बॉल लागण्याआधीच कार्तिकच्या हाताने स्टॅम्प उडाला तरी मॅक्सवेल धावबाद कारण...; पाहा 'तो' नाट्यमय क्षण | Ind vs Aus 3rd T20 Video An almost Not Out for Glenn Maxwell one bail was still on the stumps and ball hit that bail scsg 91 | Loksatta

Video: बॉल लागण्याआधीच कार्तिकच्या हाताने स्टंम्प उडाला तरी मॅक्सवेल धावबाद कारण…; पाहा ‘तो’ नाट्यमय क्षण

भारतीय खेळाडूंनीही मॅक्सवेलला बाद दिलं जाईल याची अपेक्षा सोडून दिली असतानाच पंचांनी वेगळाच निर्णय दिला.

Video: बॉल लागण्याआधीच कार्तिकच्या हाताने स्टंम्प उडाला तरी मॅक्सवेल धावबाद कारण…; पाहा ‘तो’ नाट्यमय क्षण
त्याला बाद घोषित करणार नाही असं वाटत असतानाच वेगळाच निर्णय पंचांनी दिला

Ind vs Aus 3rd T20 Video Glenn Maxwell Runout: भारत आणि ऑस्ट्रेलियादरम्यान सुरु असणाऱ्या तिसऱ्या आणि निर्णायक टी-२० सामन्यामध्ये मालिकेतील ड्राम कायम असल्याचं चित्र दिसलं. सामन्यामध्ये ऑस्ट्रेलियाचा फलंदाज ग्लेन मॅक्सवेल अगदीच नाट्यमय पद्धतीने बाद झाला. एका क्षणाला भारतीय खेळाडूंनीही मॅक्सवेलला बाद दिलं जाईल याची अपेक्षा सोडून दिली असतानाच तिसऱ्या पंचांनी त्याला बाद घोषित केलं आणि मैदानात एकच जल्लोष झाला.

नक्की पाहा >> Ind vs Aus: अक्षरने स्वत:च्याच गोलंदाजीवर पकडला ‘वेड’ लावणारा कॅच; तुफान फॉर्ममधील वेडच्या विकेटचा Video पाहाच

भारताने नाणेफेक जिंकून गोलंदाजीचा निर्णय घेतल्यानंतर ऑस्ट्रेलियाने दमदार सुरुवात केली. सालामीवीर कॅमरॉन ग्रीन आणि अॅरोन फिंचने ३.२ षटकांमध्येच ४० धावांचा टप्पा ओलांडला. नंतर मात्र ऑस्ट्रेलियन संघाला घरघर लागली. संघाची धावसंख्या ४४ असताना फिंच तंबूत परतला तर धावसंख्या ६२ वर असताना ग्रीनला भुवनेश्वर कुमारच्या गोलंदाजीवर के. एल. राहुल झेलबाद केलं. त्यानंतर मैदानात आलेला मॅक्सवेल फिरकी गोलंदाजांसमोर अडखळत खेळताना दिसला. मैदानात स्थिरावण्याचा प्रयत्न करत असतानाच मॅक्सवेल धावबाद झाला. मात्र त्याचं धावबाद होणं अगदीच नाट्यमय ठरलं.

नक्की पाहा >> Ind vs Aus: भारतीय गोलंदाजांना कुटणाऱ्या ग्रीनबद्दल जाफरचं मोठं भाकित; Meme शेअर करत म्हणाला, “IPL संघ…”

आठव्या षटकाच्या चौथ्या चेंडूवर चोरटी धाव घेण्याच्या प्रयत्नात असणारा मॅक्सवेल धावबाद झाला. अक्षर पटेलने अगदी सीमारेषेजवळून फेकलेला चेंडू थेट यष्ट्यांना आदळला. मात्र चेंडू थेट यष्ट्यांना आदळण्याआधीच चेंडू पकडून मॅक्सवेलला यष्टीचीत करण्याच्या प्रयत्नात असणाऱ्या दिनेश कार्तिकचा हात लागल्याने बेल्स उडाल्या. हे सारं मोठ्या स्क्रीनवर पाहून सर्व भारतीय खेळाडूंनी मॅक्सवेलला बाद देण्याची अपेक्षा सोडून दिली. मात्र तिसऱ्या पंचांनी दुसरी बेल्स हाताने उडली होती की चेंडूने हे तपासण्यास सांगितले. त्यावेळी मॅक्सवेलची बॅट क्रीझबाहेर असताना कार्तिकचा हात लागूनही बेल्स यष्ट्यांवरच होती. चेंडू लागल्यानंतर ती बेल्स उडाली. त्यामुळेच मॅक्सवेल बाद असल्याचा निर्णय पंचांनी दिला आणि मैदानात एकच जल्लोष झाला. बीसीसीआयनेही हा व्हिडीओ शेअर केला आहे.

अनेक चाहते या धावबाद होण्याच्या निर्णयासंदर्भात ट्वीटरवरुन व्यक्त झाल्याचं पहायला मिळत आहे.

१)

२)

३)

४)

५)

हा निर्णय पाहून कर्णधार रोहित शर्मासहीत दिनेश कार्तिकही हसू लागल्याचं कॅमेरात कैद झालं.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
खेळाडूसह बाचाबाची नडली, अजिंक्य रहाणेने यशस्वी जैस्वालला दाखवला मैदानाबाहेरचा रस्ता; पाहा VIDEO

संबंधित बातम्या

BCCI Selection Committee: जवळजवळ ठरलंच! आयपीएलवर आगपाखड करणारा खेळाडू होणार बीसीसीआय निवड समितीचा अध्यक्ष
Sania Shoaib Divorce: सानिया मिर्झा सोबतच्या घटस्फोटावर अखेर शोएब मलिकने सोडले मौन; म्हणाला…
ENG vs PAK 2nd Test: अबरार अहमदने पदार्पणातच रचला मोठा विक्रम, ‘ही’ कामगिरी करणारा पाकिस्तानचा तिसराच गोलंदाज
“तू खरोखरच…”; घरच्याच लोकांनी विरोधकाचा प्रचार करुनही BJP च्या तिकीटावर पत्नीने विजय मिळवल्यानंतर रविंद्र जडेजाची खास पोस्ट
ENG vs PAK 2nd Test: इंग्लंडने पाकिस्तानविरुद्ध रचला इतिहास; ‘हा’ पराक्रम करणारा ठरला जगातील पहिलाच संघ

व्हिडिओ

ताज्या बातम्या
“भारतीय चित्रपट कंपनी पायघड्या….” पाकिस्तानी चित्रपट भारतात प्रदर्शित होणार असल्याने मनसे नेते अमेय खोपकर संतापले
मुंबई: एसटी कर्मचाऱ्यांना लवकरच वेतन मिळणार; कर्मचाऱ्यांच्या वेतनासाठी शासनाकडून २०० कोटी रुपये मंजूर
‘त्या’ व्हिडीओमुळे चर्चेत असलेले राम गोपाल वर्मा इंजिनियर असूनही चित्रपटसृष्टीत कसे आले? घ्या जाणून
INDW vs AUS T20Is: “हल्के मे मत लो!” ऑस्ट्रेलिया दौऱ्याआधी भारतीय महिला संघाचा आव्हान उभे करणारा video व्हायरल
पुणे: छत्रपती शिवाजी महाराज यांच्या सन्मानासाठी मंगळवारी पुणे बंद