scorecardresearch

Premium

भारताची कीर्तना पांडियन युवा स्नूकरची जगज्जेती

कीर्तनाने विजेतेपद पटकावताना बेलारूसच्या अलबिना लेसचुक हिचा ३-१ असा पराभव केला.

भारताची कीर्तना पांडियन युवा स्नूकरची जगज्जेती

आंतरराष्ट्रीय बिलिअर्ड्स आणि स्नूकर महासंघाच्या (आयबीएसएफ) वतीने रशियातील सेंट पीटर्सबर्गला झालेल्या १६ वर्षांखालील गटाच्या जागतिक स्नूकर स्पर्धेमध्ये भारताच्या कीर्तना पांडियन हिने मुलींचे, मुलांमध्ये बेल्जियमच्या बेन मार्टेन्सने बाजी मारली.

कीर्तनाने विजेतेपद पटकावताना बेलारूसच्या अलबिना लेसचुक हिचा ३-१ असा पराभव केला. या स्पर्धेसाठी चौथे मानांकन मिळालेल्या कीर्तनाने प्राथमिक फेऱ्यांमध्ये रशियाच्या अलीना खाएरूलीना आणि मनस्विनी शेखर यांना ३-० असे पराभूत करून उपांत्य फेरी गाठली होती. उपांत्य सामन्यात कीर्तनाने भारताच्याच अनुपमा रामचंद्रनला ३-१ असे पराभूत करीत अंतिम फेरी गाठली होती. अंतिम सामन्यातही कीर्तनाने पहिला गेम गमावल्यानंतर सलग तीन गेम जिंकत अंतिम विजेतेपदावर मोहर उमटवली.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Keerthana pandian just won the world under 16 snooker title

First published on: 08-10-2018 at 01:21 IST

संबंधित बातम्या

तुम्ही या बातम्या वाचल्या आहेत का? ×