न्यूझीलंड संघाने तिसऱ्या कसोटी सामन्यात पाकिस्तानवर एक डाव आणि ८० धावांनी विजय मिळवत तीन कसोटी सामन्यांच्या मालिकेत १-१ अशी बरोबरी साधली.पाकिस्तानचा दुसरा डाव २५९ धावांत आटोपला. असद शफीकने १३७ धावांची खेळी साकारून एकाकी झुंज दिली. वेगवान गोलंदाज ट्रेंट बोल्टने ३८ धावांत ४ तर फिरकीपटू मार्क क्रेगने १०९ धावांत ३ बळी घेतले. क्रेगने सामन्यात २०३ धावांत १० बळी घेत सामनावीर पुरस्कार पटकावला आणि पाकिस्तानच्या मोहम्मद हाफीझला मालिकावीर पुरस्काराने सन्मानित करण्यात आले.पाकिस्तानने अबू धाबीची पहिली कसोटी २४८ धावांनी जिंकली होती, त्यानंतर दुबईतील दुसरी कसोटी अनिर्णीत राहिली होती.
