मुंबई-गोवा महामार्गावरील रायगड जिल्ह्यातल्या इंदापूरजवळील एका जैन मंदिरात जैन साधूची निघृण हत्या झाल्याचा प्रकार उघडकीस आला आहे. महाराज श्री मुनीराज प्रशांतजी या ५६ वर्षीय साधूचा मृतदेह आज (मंगळवार) सकाळी मंदिराच्या आवारात सापडला. हे महाराज मंदिरातच राहत असत. डोक्यात वार करुन त्यांची हत्या केल्याचं प्रथमदर्शी दिसत असून, हत्येचं कारण अद्याप स्पष्ट झालेलं नाही. दरम्यान, पोलिस अधिक तपास करत आहेत. महामार्गावरील या मंदिराला अनेक भाविक दररोज भेट देत असतात.
