Premium

“२०२४ मध्ये देवेंद्र फडणवीस मुख्यमंत्री होतील”, भाजपा आमदाराच्या वक्तव्यावर शिंदे गटातील नेते म्हणाले…

“२०२४ मध्ये राज्यात आमचं सरकार येणार”, असेही भाजपा आमदारांनी म्हटलं.

devendra fadnavis eknath shinde
संजय शिरसाट देवेंद्र फडणवीस आणि एकनाथ शिंदे यांच्याबद्दल बोलले आहेत. ( संग्रहित छायाचित्र )

राज्यात शिंदे-फडणवीस यांचं सरकार स्थापन झाल्यापासून सतत मुख्यमंत्री बदलाच्या चर्चा सुरु असतात. त्यात ‘डबल इंजिन’च्या सरकारला अजित पवार यांचं तिसरं चाक जोडलं आहे. तेव्हापासून रोज मुख्यमंत्री बदलाच्या चर्चा होत राहतात. अशातच आता भाजपा आमदार प्रसाद लाड यांच्या वक्तव्यानंतर राजकीय चर्चांना उधाण आलं आहे.

या बातमीसह सर्व प्रीमियम कंटेंट वाचण्यासाठी साइन-इन करा

“२०२४ मध्ये देवेंद्र फडणवीस मुख्यमंत्री होतील,” असं विधान प्रसाद लाड यांनी केलं आहे. ते ‘टीव्ही ९ मराठी’शी बोलत होते.

“२०२४ नाहीतर २०३४ पर्यंत देशात नरेंद्र मोदी यांचं सरकार राहणार आहे. तसेच, २०२४ मध्ये राज्यातही भाजपाचं सरकार येईल आणि देवेंद्र फडणवीस मुख्यमंत्री होतील,” असं प्रसाद लाड यांनी म्हटलं.

हेही वाचा : शरद पवार अदाणींच्या भेटीसाठी गुजरातमध्ये, राजकीय चर्चांना उधाण; रोहित पवार म्हणाले…

लाड यांच्या विधानावर शिवसेना ( शिंदे गट ) आमदार संजय शिरसाट यांनी प्रतिक्रिया दिली आहे. “प्रसाद लाड भाजपा विधानपरिषद आमदार आहेत. त्यांच्या नेत्याचं नाव लाड यांनी घेणं गैर नाही. आम्हालाही वाटतं एकनाथ शिंदे हेच मुख्यमंत्री राहतील. तर, अजित पवार यांच्या गटाला ते मुख्यमंत्री होतील, असं वाटतं.”

हेही वाचा : कल्याणमधून श्रीकांत शिंदे यांचा पत्ता कट होणार? रोहित पवारांचा मोठा दावा; म्हणाले…

“आपल्या पक्षाचा मुख्यमंत्री झाला पाहिजे, असं कार्यकर्त्याला वाटत असतं. एकनाथ शिंदे ज्या पद्धतीनं आज काम करत आहेत, त्यामुळे पुढील वेळेसही तेच मुख्यमंत्री राहावेत,” अशी इच्छा संजय शिरसाट यांनी व्यक्त केली.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Sanjay shirsat on prasad lad statement devendra fadnavis cm 2024 ssa

First published on: 23-09-2023 at 18:40 IST

आजचा ई-पेपर : महाराष्ट्र

वाचा