निवेदिता सराफ यांना करोना

‘अग्गंबाई सासूबाई’ मालिकेत आसावरीची भूमिका साकारणाऱ्या अभिनेत्री निवेदिता सराफ यांना करोनाची लागण

nivedita saraf
निवेदिता सराफ

‘अग्गंबाई सासूबाई’ मालिकेत आसावरीची भूमिका साकारणाऱ्या अभिनेत्री निवेदिता सराफ यांना करोनाची लागण झाली आहे. त्यांना कोणतीच लक्षणं जाणवत नसल्याने सध्या त्या घरीच क्वारंटाइनमध्ये आहेत. निवेदिता यांच्या करोना चाचणीचा रिपोर्ट पॉझिटिव्ह आल्याने मालिकेची शूटिंग थांबवण्यात आली आहे.

‘अग्गंबाई सासूबाई’ मालिकेत भूमिका साकारणाऱ्या इतर कलाकारांचीही करोना चाचणी करण्यात आली. तेजश्री प्रधान, आशुतोष पत्की, गिरीश ओक या सर्वांच्या करोना चाचणीचा रिपोर्ट निगेटिव्ह आला आहे. १५ सप्टेंबरपासून मालिकेची शूटिंग थांबवण्यात आली आहे. मात्र पुढील दोन दिवसांत शूटिंगला सुरुवात होईल. निवेदिता सराफ क्वारंटाइनमधून बाहेर आल्यानंतर शूटिंगसाठी उपस्थित राहतील. मालिकेच्या सेटवरील सर्वांच्या सुरक्षेची योग्यरित्या काळजी घेतली जात असल्याचं मालिकेच्या टीमकडून स्पष्ट करण्यात आलं.

‘आई माझी काळूबाई’ मालिकेच्या सेटवरील २७ जणांना करोना

‘आई माझी काळूबाई’ या मराठी मालिकेच्या सेटवरील २७ जणांना करोनाची लागण झाली आहे. त्यामुळे मालिकेची शूटिंग थांबवण्यात आली आहे. सेटवरील अनेकांना करोनाची लागण झाल्याने १५ सप्टेंबर रोजी मालिकेची शूटिंग थांबवण्यात आली. या मालिकेची शूटिंग साताऱ्यामध्ये होत होती. मात्र आता मुंबईतील फिल्म सिटीमध्ये शूटिंग करण्यात येणार असल्याचं समजतंय.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Aggabai sasubai fame nivedita saraf tests positive for covid 19 ssv

Next Story
चित्ररंग : फक्त जिस्मदर्शन
ताज्या बातम्या