अभिनयाचे शेहनशाह अमिताभ बच्चन ‘बिग बी’ या नावाने ओळखले जातात. हे नाव त्यांना प्रसारमाध्यमांनी दिलेले आहे. आज हे नाव इतके सुप्रसिद्ध आहे की ‘बिग बी’ म्हटल्यावर डोळ्यांपुढे अमिताभ बच्चन यांचाच चेहरा येतो. नुकतंच महिंद्रा ग्रुपचे सर्वेसर्वा आनंद महिंद्रा यांनी एक ट्विट केले आहे. यामध्ये त्यांनी ‘बिग बी’ यांचा उल्लेख केला आहे. या ट्विटला अमिताभ बच्चन यांनीदेखील रिप्लाय दिला आहे.

त्यांनी लिहिले आहे की, ‘माफी असावी अमितजी पण, या आठवड्यात एकच ‘बिग बी’ आहे ते म्हणजे ‘बिग बजेट’. ५ जुलै रोजी केंद्रीय सरकार नवीन बजेट सादर करणार आहे. त्यामुळे सध्या सगळीकडे या बजेटचीच चर्चा आहे. प्रसारमाध्यमांसह संपूर्ण देशाचे लक्ष या बजेटकडे आहे.

अमिताभ बच्चन यांनी हसत या ट्विटला रिप्लाय देईल आहे. त्यांनी लिहिले आहे की, ‘बिग बी हे प्रसारमाध्यमांनी मला दिलेले नाव आहे. मी या नावाशी कधीच सहमत नव्हतो. तुम्ही ज्या ‘बिग बी’ चा उल्लेख केला आहे तेच या आठवड्यात मीडियामध्ये दिसेल.’