एका सर्वेक्षणानुसार ख्यातनाम व्यक्तींमध्ये बॉलीवूड सुपरस्टार सलमान खानचा मोबाइलवर सर्वाधिक ऑनलाइन सर्च केला गेला आहे. 'दबंग २', 'एक था टायगर' यांसारखे हिट चित्रपट देणा-या सलमानने मास्टर ब्लास्टर सचिन तेंडुलकर आणि पूर्वाश्रमीचा प्रेयसी कतरिना यांना मागे टाकून पहिले स्थान पटकाविले आहे.मोबाइल वेब व्हिडीओ शोध कंपनी 'वुक्लीप्स'च्या यावर्षातील दुस-या तिमाही सर्वेक्षणानुसार 'बर्फी' अभिनेता रणबीर कपूर, अनुष्का शर्मा, राष्ट्रीय पुरस्कार विजेती दाक्षिणात्य अभिनेत्री प्रियमणी आणि अभिनेत्री-गायिका निथ्या मेनन यांचा 'टॉप-१०'च्या यादीत समावेश आहे. या यादीत टीव्ही कलाकार कीम कर्दाशियन आणि गायिका टेलर स्विफ्ट यांना अनुक्रमे पाचवे आणि आठवे स्थान मिळाले आहे.
