सोमवारी मुलुंड येथे नववीच्या विद्यार्थ्यांने आत्महत्या केल्याचे प्रकरण ताजे असताना त्याच रात्री मुलुंडमध्येच एका महाविद्यालयीन तरुणीने आत्महत्या केल्याचे प्रकरण समोर आले आहे. तर मंगळवारी पहाटे मुलुंडमध्ये वृद्धेनेही आत्महत्या केली.मुलुंड पूर्व येथील साने कॉलनीत राहणाऱ्या योगिता वाच्छानी या तरुणीने सोमवारी रात्री घरात कुणी नसताना आत्महत्या केली. रात्री मोठी बहीण घरी आली असता तिला योगिताचा गळफास लावलेला मृतदेह आढळला. योगिताने नुकतीच बारावीची परीक्षा दिली होती. तिच्या आत्महत्येचे कारण समजू शकलेले नाही. विशेष म्हणजे आदल्या दिवशीच सालपादेवी पाडा येथील गिरीश सरदारा या ९ वीत शिकणाऱ्या विद्यार्थ्यांने राहत्या घरात गळफास लावून आत्महत्या केली होती. दरम्यान, मंगळवारी सकाळी मुलुंडमधीलच गव्हाणपाडा येथे आजारपणाला कंटाळून उजीबेन चौटालिया या ७२ वर्षीय वृद्धेने गळफास लावून आत्महत्या केली.
