scorecardresearch

Premium

बुलढाणा :  अंत्ययात्रा थांबवून शोकाकुल सोयरे अन् ग्रामस्थ सामूहिक राष्ट्रगानमध्ये सहभागी! ;  काजेगाववासीयांनी दिला राष्ट्रभक्तीचा अनोखा प्रत्यय!

काजेगाववासीयांच्या या अनोख्या राष्ट्रभक्तीची पंचक्रोशीत चर्चा सुरू आहे.

राष्ट्रगीत झाल्यावरच सुमन बोरणारे यांची अंत्ययात्रा स्मशानभूमीकडे निघाली.
राष्ट्रगीत झाल्यावरच सुमन बोरणारे यांची अंत्ययात्रा स्मशानभूमीकडे निघाली.

संजय मोहिते, लोकसत्ता

बुलढाणा : कुटुंबातील अन् गावातील राष्ट्रप्रेमी महिलेचे निधन झाल्याने शोकाकुल कुटुंबातील सदस्य, सोयरे आणि ग्रामस्थ त्यांच्या अंत्ययात्रेत सहभागी झाले. ही अंत्ययात्रा ग्रामपंचायतजवळ सकाळी ११ वाजताच्या सुमारास पोहोचली तेव्हा तिथे सामूहिक राष्ट्रगीत गायनाची लगबग सुरू होती. अंत्ययात्रा तिथेच थांबवून सर्व जण राष्ट्रगीत गायनात सहभागी झाले. कार्यक्रम पार पडल्यावरच शोकाकुल ग्रामस्थ स्मशानभूमीकडे निघाले आणि मृत महिलेवर अंत्यसंस्कार करण्यात आले.

Ajit Pawar group
विविध समूह घटकांचा विश्वास संपादन करण्यावर अजित पवार गटाचा भर
pimpri chinchwad ncp marathi news, ajit pawar ncp latest news in marathi
पिंपरी-चिंचवडमध्ये राष्ट्रवादीच्या दोन्ही गटांत वर्चस्वासाठी संघर्ष
Sharad Pawar on Pm narendra modi maharashtra tour
“पंतप्रधान मोदी गुजरातप्रमाणे महाराष्ट्रालाही…”, मोदींच्या महाराष्ट्र दौऱ्यावर शरद पवारांची खोचक टीका
Pratibha Pawar in NCP office
नातवासाठी आजी आली धावून; रोहित पवारांच्या ईडी चौकशीआधी प्रतिभा पवार राष्ट्रवादी कार्यालयात दाखल

जळगाव-जामोद तालुक्यातील काजेगाव येथील सामाजिक कार्यकर्त्या सुमनताई काशीराम बोरणारे (८४) या स्वातंत्र्यदिन आणि गणतंत्र दिनी झेंडावंदनाला न चुकता हजर राहायचा. त्यादिवशी विद्यार्थ्यांना खाऊ वाटप करून त्यांना राष्ट्रप्रेमाच्या कथा त्या ऐकवत होत्या. त्यांचे मंगळवार, १६ ऑगस्टला दीर्घ आजाराने निधन झाले. आज, बुधवारी त्यांच्या निवासस्थानावरून निघालेली अंत्ययात्रा ग्रामपंचायतनजीक सकाळी अकरा वाजता पोहोचली, तेव्हा सरपंचाचे पती सुहास वाघ यांनी राष्ट्रगीत गायनाची वेळ झाली असल्याचे गावकऱ्यांना लक्षात आणून दिले. यावेळी मनोहर पाटील वाघ, डॉ. अशोक शेजोळे, बंडू पाटील, दादाराव धंदर, विनायक खारोडे आणि शोकाकुल पाहुण्यांनी अंत्ययात्रा ग्रामपंचायत समोर थांबवली. राष्ट्रगीत झाल्यावरच सुमन बोरणारे यांची अंत्ययात्रा स्मशानभूमीकडे निघाली. त्यांच्या पश्चात ग्रामपंचायत कर्मचारी प्रदीप बोरणारे, इतर तीन मुले व दोन मुली, नातवंडे असा आप्तपरिवार आहे. काजेगाववासीयांच्या या अनोख्या राष्ट्रभक्तीची पंचक्रोशीत चर्चा सुरू आहे.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Villagers stop the funeral procession and participate in the national anthem zws

First published on: 17-08-2022 at 20:16 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×