अभिनेत्री अभिज्ञा भावे नवीन वर्षात लग्नगाठ बांधणार असून लग्नापूर्वीच्या कार्यक्रमांना सुरुवात झाली आहे.

अभिज्ञा आणि तिचा होणार पती मेहुल पै या दोघांचं सिद्धार्थ चांदेकर व त्याची होणारी पत्नी मिताली मयेकर यांनी मिळून केळवण केलं.

अभिज्ञाने तिच्या इन्स्टाग्राम अकाऊंटवर या केळवणाचे फोटो पोस्ट केले आहेत.

लग्नाआधी वधू-वरांसाठी केले जाणारे केळवण हे तर सगळ्यांनी एकत्र भेटण्याचे निमित्त असते. वधू-वरांच्या आवडीचे पदार्थ करून जेवणासाठी पाहुण्यांकडे आमंत्रित केले जाते. एखादी भेटवस्तू देऊन लग्नाबाबत शुभेच्छा दिल्या जातात.

लग्नाच्या तयारीची खरी तर सुरुवात या केळवणापासून सुरू होते.

ऑगस्टमध्ये अभिज्ञा आणि मेहुलचा साखरपुडा पार पडला. यावेळी मोजके पाहुणे उपस्थित होते.

जानेवारी महिन्यात अभिज्ञा लग्नगाठ बांधणार आहे. अभिज्ञा व मेहुलचं हे दुसरं लग्न आहे.

मेहुल आणि अभिज्ञा एकाच कॉलेजमध्ये होते आणि गेल्या पंधरा वर्षांपासून ते एकमेकांना ओळखतात.

२०१४ मध्ये अभिज्ञाचं वरुण वैटिकरसोबत लग्न झालं होतं. मात्र या दोघांचं नातं फार काळ टिकलं नाही.

सर्व छायाचित्र सौजन्य- इन्स्टाग्राम, अभिज्ञा भावे