डोनाल्ड ट्रम्प यांनी त्यांच्या मालकीच्या स्थावर मत्तांचा आकार वाढीव दर्शवला आणि त्या मत्तांच्या फुगवलेल्या मूल्यांच्या प्रमाणात बँकांकडून वाढीव कर्ज पदरात पाडून घेतले. असा प्रकार ते आणि त्यांची ‘ट्रम्प ऑर्गनायझेशन’ ही कंपनी २०१४ ते २०२१ या काळात सातत्याने करत राहिले. या कालावधीत ट्रम्प यांच्या मत्तांचे मूल्य ८१ कोटी ते २०० कोटी डॉलर फुगवले गेले. यासाठी लेखापत्रांमध्ये फेरफार होत राहिले. या लबाडीवर नेमके बोट ठेवून, न्यूयॉर्कमधील एका न्यायालयाने ट्रम्प यांना आणि त्यांच्या पुत्रांना तसेच कंपनीला ३५.५ कोटी डॉलरचा दंड ठोठावला. याखेरीज जवळपास ८.६ कोटी डॉलर व्याजापोटी भरावे लागणार आहेत. म्हणजे एकूण ४४ कोटी डॉलर. गेल्याच महिन्यात ट्रम्प यांना आणखी एका प्रकरणात दंड ठोठावण्यात आला आहे. अनेक वर्षांपूर्वी ट्रम्प यांनी ई. जीन कॅरोल या महिलेचा लैंगिक छळ केल्याचा आरोप आहे. हा अनुभव आणि त्याविषयीची व्यथा कॅरोल यांनी पुस्तकरूपात मांडल्यानंतर ट्रम्प यांनी उलट कॅरोल यांचीच बदनामी सुरू केली. त्याबद्दल कॅरोल यांनी खटला दाखल केला आणि या प्रकरणी ट्रम्प यांना ८.८ कोटी डॉलरचा दंड झाला. त्यामुळे गेल्या काही आठवड्यांमध्ये ५० कोटींहून अधिक डॉलरचा दंड ट्रम्प यांना झाला. दोन्ही दंड भरणे फार अवघड नाही, पण मुद्दा केवळ दंड भरण्याच्या आर्थिक क्षमतेचा नाही. न्यूयॉर्कच्या ज्या न्यायाधीशांनी फसवणुकीच्या प्रकरणात दंड ठोठावला, त्यांचे ट्रम्प यांच्याविषयी उद्गार उद्बोधक ठरतात – ‘तुम्हाला कशाचाच पश्चात्ताप झाल्याचे दिसत नाही, जे जवळपास विकृतिनिदर्शक आहे!’

या बातमीसह सर्व प्रीमियम कंटेंट वाचण्यासाठी साइन-इन करा

हेही वाचा >>> व्यक्तिवेध: कविता चौधरी

मराठीतील सर्व स्तंभ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Trump organization found guilty in civil fraud case zws
First published on: 20-02-2024 at 01:36 IST