चेतेश्वर पुजारा News
चेतेश्वर पुजारा हा भारतीय फलंदाज आहे. त्याचा जन्म २५ जानेवारी १९८८ रोजी गुजरातमधील राजकोट येथे झाला. त्याचे वडील अरविंद पुजारा आणि काका बिपीन पुजारा हे दोघे सौराष्ट्रकडून रणजी ट्रॉफीमध्ये खेळले होते. वडिलांप्रमाणे चेतेश्वर पुजारा देखील सौराष्ट्र संघाकडून राज्यस्तरीय क्रिकेट स्पर्धा खेळत आहे. २००५ मध्ये पुजाराने इंग्लंडविरुद्ध भारताकडून अंडर-१९ कसोटी फॉरमॅटमध्ये पदार्पण केले. या सामन्यामध्ये त्याने २११ धावा केल्या. पुढे २००६ च्या अंडर-१९ विश्वचषक स्पर्धेमध्ये त्याचा समावेश करण्यात आला होता. या स्पर्धेत पुजारा सर्वाधिक धावा करणारा खेळाडू होता. शिवाय तो सामनावीर देखील ठरला होता.
२००५ पासून चेतेश्वर पुजारा सौराष्ट्र संघाकडून क्रिकेट खेळत आहे. २०१० मध्ये पुजाराने आंतरराष्ट्रीय फॉरमॅटमध्ये पदार्पण केले. पुढे २०१३ मध्ये त्याला भारताकडून एकदिवसीय सामना खेळायची संधी मिळाली. राहुल द्रविड आणि व्ही.व्ही.एस. लक्ष्मण यांची कसोटी संघातील जागा भरुन काढण्याचे काम पुजारा करत आहे. २०१२ मध्ये त्याने कमबॅक करत न्यूझीलंड विरुद्ध सामन्यामध्ये शतकीय कामगिरी केली. त्याच वर्षी त्याने इंग्लंड विरुद्धच्या सामन्यात २०० धावा केल्या. २०१३ मध्ये पुन्हा २०० धावा करत त्याने सलामीवीरपद पटकावले. २०११ पासून ते आत्तापर्यंत चेतेश्वर पुजारा भारतीय कसोटी संघाचा महत्त्वपूर्ण खेळाडू मानला जात आहे. मध्यंतरीच्या काळामध्ये बरेचदा तो आऊट ऑफ फॉर्म देखील होता पण तो पुन्हा-पुन्हा कमबॅक करत असल्याचे पाहायला मिळते.
आंतरराष्ट्रीय, राज्यस्तरीय क्रिकेटस्पर्धांसह पुजारा कौंटी क्रिकेट देखील खेळतो. त्याच्याकडे आयपीएलमध्ये खेळण्याचा अनुभवही आहे. २०१० मध्ये तो कोलकाता नाईट रायडर्सचा सदस्य होता. पुढे २०११-१३ मध्ये पुजारा रॉयल चॅलेंजर्स बंगळुरूकडून खेळला. २०१४ च्या आयपीएलमध्ये पुजाराला पंजाब टीममध्ये घेण्यात आले. २०१५ ते २०२० या पाच वर्षांमध्ये तो आयपीएलमध्ये सहभागी झाला नव्हता. २०२१ मध्ये चेन्नई सुपरकिंग्सने त्याच्यावर बोली लावत संघात घेतले. लवकरच सुरु होणाऱ्या आशिया कप २०२३ साठीच्या भारतीय संघामध्ये चेतेश्वर पुजाराची निवड करण्यात आली आहे. निवडकर्तांना त्याच्याकडून चांगल्या खेळाची अपेक्षा आहे. त्याच्या कामगिरीवर कसोटी संघातील त्याच्या स्थान अवलंबून आहे.
Read More
