सुप्रिया सुळे Photos
सुप्रिया सुळे या राजकीय नेत्या असून त्या राष्ट्रवादी काँग्रेस ( शरद पवार गट ) या पक्षाच्या खासदार आहेत. सुप्रिया सुळे या माजी केंद्रीय मंत्री तथा राष्ट्रवादी काँग्रेस पक्षाचे संस्थापक अध्यक्ष शरद पवार यांच्या कन्या आहेत. सुप्रिया सुळे यांचा जन्म ३ जून १९६९ रोजी पुणे येथे झाला. त्यांनी मुंबईतील जय हिंद महाविद्यालयातून सूक्ष्मजीवशास्त्र विषयात पदवीचे शिक्षण घेतले आहे. ४ मार्च १९९१ रोजी सदानंद सुळे यांच्याशी त्यांचा विवाह झाला.
सुप्रिया सुळे यांनी २००६ साली राजकीय कारकीर्दीला सुरुवात केली. २००६ मध्ये त्या पहिल्यांदा राज्यसभेवर निवडून गेल्या. तसेच २००९ मध्ये त्यांनी बारामती लोकसभा मतदारसंघातून निवडणूक लढवली होती. या निवडणुकीत त्यांना विजय मिळाला. २०१२ मध्ये सुप्रिया सुळे यांच्या नेतृत्वात राष्ट्रवादी युवती काँग्रेसची स्थापना करण्यात आली. या संघटनेमार्फेत त्यांनी महिलांच्या हक्कांसाठी काम करण्यास सुरुवात केली. या संघटनेची स्थापना झाल्यानंतरच्या काही महिन्यात सुप्रिया सुळे यांच्या नेतृत्वात स्त्रीभ्रूण गर्भपात, हुंडापद्धती आणि सर्वसाधारणपणे महिला सक्षमीकरणावर भर देणारे अनेक मोर्चे काढण्यात आले. सुप्रिया सुळे या २०१४, २०१९ आणि २०२४ अशा सलग चार वेळा लोकसभा खासदार म्हणून निवडणून आल्या आहेत.
सुप्रिया सुळे यांना त्यांच्या संसदीय कार्यासाठी ओळखले जाते. त्यांना संसदरत्न या पुरस्काराने गौरवण्यात आले आहेत. सामाजिक सेवेतील अतुलनीय योगदानाबद्दल त्यांना ऑल लेडीज लीगतर्फे मुंबई महिला ऑफ द डिकेड अचिव्हर्स पुरस्काराने सन्मानित करण्यात आले.
Read More
