पतधोरणाचा उदार पवित्रा कायम राहणार – गव्हर्नर दास

चलनवाढीच्या परिस्थितीत कसे बदल होतात त्यावर मध्यवर्ती बँकेचा बारीक नजर असेल, असे दास यांनी भाषणात प्रतिपादन केले.

वॉशिंग्टन : अर्थव्यवस्थेत दमदार फेरउभारी अनुभवास येत असली तरी भारतातील वेगवेगळ्या क्षेत्रातील असंतुलित वाढीचा कल पाहता पतधोरणाचा ‘परिस्थितीजन्य उदार’तेचा पवित्रा कायम राखण्याचा निर्णय घेतला आणि पुढेही हीच भूमिका कायम ठेवली जाईल, असे प्रतिपादन रिझव्‍‌र्ह बँकेचे गव्हर्नर शक्तिकांत दास यांनी गुरुवारी आंतरराष्ट्रीय व्यासपीठावर बोलताना केले.

आंतरराष्ट्रीय नाणेनिधी (आयएमएफ) आणि जागतिक बँक यांच्या संयुक्त वार्षिक सभेपुढे गव्हर्नर दास यांचे ध्वनिचित्रमुद्रित भाषण गुरुवारी सायंकाळी प्रस्तुत करण्यात आले. त्यांच्या भाषणाची काही ठळक क्षणचित्रे आयएमएफकडून प्रसिद्धीस देण्यात आली. अर्थव्यवस्थेच्या वेगवेगळ्या अंगातील असमान वाढीच्या सध्याच्या काळात भूमिकेत लवचीकता ठेवताना, उदार समावेशकतेची (अकॉमोडिटिव्ह) भूमिका पतधोरणात राखणे क्रमप्राप्तच आहे. चलनवाढीच्या परिस्थितीत कसे बदल होतात त्यावर मध्यवर्ती बँकेचा बारीक नजर असेल, असे दास यांनी भाषणात प्रतिपादन केले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व अर्थसत्ता बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: India to remain accommodative in its monetary policy rbi governor shaktikanta das zws

Next Story
ओंकार स्पेशिअ‍ॅलिटीचा चिपळूणमध्ये नवा प्रकल्प
ताज्या बातम्या