27th May 2024 Marathi Panchang & Rashi Bhavishya: २७ मे २०२४ ला वैशाख कृष्ण पक्षातील चतुर्थी तिथी असणार आहे. आठवड्याच्या सुरुवातीलाच आज शुभ योगांचा मेळा जमणार आहे. सोमवारी संध्याकाळी ४ वाजून ५३ मिनिटांपसऱ्यांत चतुर्थी कायम असेल व त्यानंतर पंचमी तिथी सुरु होईल. सोमवारी सकाळी १० वाजून ५३ मिनिटांपासयंत पूर्व आषाढ नक्षत्र जागृत असणार आहे. तर सोमवारचा संपूर्ण दिवस ते मंगळवारी २८ मे च्या सकाळी ४ वाजेपर्यंत शुक्ल योग असणार आहे. मे महिन्याचा शेवटचा आठवडा तुमच्या राशीसाठी कसा असणार हे पाहूया.. २७ मे पंचांग व राशी भविष्य मेष:-अति कामामुळे थकवा जाणवेल. नसते साहस करायला जाऊ नका. प्रवासाला दिवस अनुकूल आहे. जमिनीची कामे सावधपणे करावीत. मुलांच्या वागण्याकडे लक्ष ठेवावे. वृषभ:-सर्वांना प्रेमाने आपलेसे कराल. लोक तुमच्याकडे आकर्षित होतील. घरात तुमच्या शब्दाला मान मिळेल. कौटुंबिक जबाबदार्या उत्तमरीत्या पार पाडाल. गायन कलेचे कौतुक केले जाईल. मिथुन:-सर्वांशी गोडीगुलाबीने वागाल. व्यवसायानिमित्त खर्च होईल. कामातील बदल लक्षात घ्यावेत. प्रवासात वाहन जपून चालवावे. आरोग्याची वेळेवर काळजी घ्यावी. कर्क:-सगळ्याच कामात दिरंगाई जाणवेल. सहकार्यांशी मतभेद संभवतात. कर्ज घेण्याचा विचार टाळावा. जुगारात नुकसान संभवते. सकारात्मक दृष्टीकोन ठेवावा लागेल. सिंह:-दीर्घ मुदतीच्या गुंतवणुकीचा विचार करावा. जीवावर उदार होऊ नका. विरोधक शांत राहतील. कौटुंबिक गोष्टी धीराने हाताळाव्यात. जवळच्या प्रवासात सतर्क राहावे. कन्या:-भावंडांकडून त्रास संभवतो. मुलांच्या शिक्षणाची चिंता वाटेल. सहकार्यांचा हट्ट पुरवावा लागेल. अपचनाचा त्रास जाणवेल. आर्थिक कमाई वाढेल. तूळ:-काही गोष्टी अचानक सामोर्या येऊ शकतात. कामानिमित्त दूरच्या लोकांशी संबंध येऊ शकतो. क्षुल्लक गोष्टीवरून चिडचिड होऊ शकते. तुमच्याविषयी गैरसमज होऊ शकतात. विरोधकांकडे लक्ष ठेवावे लागेल. वृश्चिक:-अति साहस करायला जाऊ नका. घरातील वातावरण तप्त राहील. मुलांविषयी चिंता लागून राहील. शक्यतो मुलांच्या कलाने घ्यावे लागेल. जोडीदाराचा हट्ट पुरवावा लागेल. धनू:-मानसिक चिंता सतावतील. मनातील चुकीचे विचार काढून टाकावेत. सकस अन्न ग्रहण करावे. मोठे व्यावसायिक बदल करण्याचा विचार कराल. महत्त्वाकांक्षा बाळगावी लागेल. मकर:-प्रवासात खबरदारी घ्यावी. तुमच्यातील कलेला चांगली दाद मिळेल. मनोरंजन क्षेत्रातील व्यक्तींनी सजग राहावे. फक्त स्वत:च्या लाभाचा विचार करू नका. अनाठायी खर्च होईल. कुंभ:-बँकेची कामे सुरळीत पार पडतील. आर्थिक गुंतवणूक सावधपणे करावी. कामाच्या ठिकाणी सावधपणे वागावे. सहकारी तुमच्यावर नाराज होऊ शकतात. वडीलधार्यांचा मान राखावा. हे ही वाचा<< ५ महिने शनि असणार वक्री; ‘या’ दोन राशींवर असणार लक्ष्मीची कृपा अन् ‘या’ दोन राशींना आर्थिक समस्या उद्भवणार मीन:-पत्नीचे सौख्य वाढीस लागेल. चारचौघात तुमचा मान वाढेल. स्थावरची कामे मार्गी लागतील. घरातील स्त्रीवर्ग खुश असेल. तुमच्या कामाची योग्य दखल घेतली जाईल. - ज्योतिषी विद्याधर करंदीकर
