Gajlakshmi Rajyog : ज्योतिषशास्त्रानुसार प्रत्येक ग्रह एका निश्चित काळासाठी राशी परिवर्तन करताना दिसतो. ग्रहाच्या राशीपरिवर्तनामुळे शुभ योग निर्माण होतात. हे योग काही राशींसाठी शुभ ठरू शकतात तर काही राशींसाठी अशुभ ठरू शकतात.ज्योतिषशास्त्रानुसार १ मेला गुरूने वृषभ राशीमध्ये प्रवेश केला आहे. त्यानंतर १९ मे रोजी सर्व सुख समृद्धीचा दाता शु्क्र ग्रह वृषभ राशीमध्ये प्रवेश करणार आहे. या दोन्ही ग्रहाची युती गजलक्ष्मी राजयोग निर्माण करेन. हे राजयोग तीन राशींसाठी अत्यंत फायदेशीर ठरू शकते ज्यामुळे कामाच्या ठिकाणी यश मिळेल आणि आर्थिक परिस्थिती सुधारू शकते. जाणून घेऊ या, त्या तीन राशी कोणत्या? मेष राशी वृषभ राशीमध्ये निर्माण होणारा गजलक्ष्मी राजयोग मेष राशीच्या लोकांना लाभदायक ठरू शकतो. यामुळे आर्थिक स्थितीमध्ये सुधार होईल. या लोकांना आकस्मित धनलाभ होऊ शकतो. काही लोकांना अडकलेली संपत्ती आणि पैसा परत मिळू शकतो. नोकरी करणाऱ्या लोकांसाठी हा काळ चांगला आहे. पदोन्नती बरोबर या लोकांचा पगार सुद्धा वाढू शकतो. कार्यक्षेत्रामध्ये यश मिळू शकते.दांपत्य जीवनात सुधारणा होऊ शकते. जोडीदाराचे सहकार्य लाभेल. आई वडिलांचा आशीर्वाद घेऊन या राशीची लोक नवीन कामाची सुरूवात करू शकतात. हेही वाचा : शनी निघाले तांब्याच्या पावलांनी, ‘या’ ३ राशींच्या कुंडलीत बक्कळ धनलाभ; तुम्हाला मिळेल का पेढे वाटण्याची गोड संधी? मकर राशी वृषभ राशीमध्ये गुरू आणि शुक्र राशीची युती मकर राशीच्या लोकांसाठी फायद्याची ठरू शकते.कुटुंबातील संबंध दृढ होतील. आई वडिलांचे सहकार्य लाभेल. प्रेमसंबंधात अनेक गोष्टी सुधारतील. जर हे लोक सिंगल असाल तर त्यांना कोणी नवीन जोडीदार भेटू शकत. आर्थिक परिस्थिती सुधारू शकते. धनलाभाचा संयोग निर्माण होऊ शकतो.विद्यार्थ्यांना यश मिळू शकते पण त्यांना भरपूर मेहनत घ्यावी लागेल. कुंभ राशी गुरु आणि शुक्राची युती कुंभ राशीच्या लोकांसाठी फायद्याची ठरू शकते. या वेळी या राशीचे लोक कोणत्याही वाहन किंवा संपत्तीचे मालक बनू शकतात. व्यवसाय चांगली प्रगती होईल. खूप दिवसांपासून अडकलेले काम पूर्ण होईल आणि या लोकांना नफा सुद्धा चांगला मिळेल. जर या लोकांनी यापूर्वी गुंतवणूक केली असेल तर चांगला परतावा मिळू शकतो. आर्थिक परिस्थिती सुधारू शकते. खर्च कमी होईल. समाजात मान सन्मान वाढू शकतो. (टीप: वरील लेख प्राप्त माहितीवर आधारीत आहे)