भारतीय बाजारपेठेतील तरुण ग्राहकांना कार आणि बाईकचे प्रचंड वेड आहे. देशातील बहुतेक लोक बाईकला प्राधान्य देतात. पेट्रोल खूप महाग झाले असले तरी जास्त मायलेज असलेल्या बाईक्स नक्कीच थोडा दिलासा देतात. जर तुम्ही दररोज वापरण्यासाठी नवीन बाइक खरेदीचा प्लॅन करत असाल तर ही बातमी तुमच्यासाठी खास ठरू शकते. येथे आम्ही तुम्हाला जास्त मायलेज देणारी बाईक स्वस्तात कशी खरेदी करता येईल, याविषयी माहिती देणार आहोत. आम्ही तुम्हाला अशा बाईकबद्दल सांगणार आहोत जी तुम्ही केवळ ३,४४६ रुपये देऊन खरेदी करू शकता. या बाईकचे मायलेजही खूप चांगले आहे. यामुळे तुम्ही गाडी चालवून पेट्रोलवरील खर्चातही बचत करू शकता. Hero ची 'ही' बाईक स्वस्तात आणा घरी हिरो मोटोकॉर्प (Hero MotoCorp) ची एचएफ डिलक्स (HF Deluxe) बाईक मायलेजच्या बाबतीत खूपच चांगली आहे. यामुळेच ही लोकांच्या आवडत्या बाइक्सपैकी एक आहे. हिरो एचएफ डिलक्स बाईकला ९७.२ सीसी सिंगल सिलेंडर इंजिन मिळते जे ८.०२ पीएस पॉवर आणि ८.०५ एनएम पीक टॉर्क जनरेट करते. या इंजिनसोबत ४ स्पीड गिअरबॉक्स उपलब्ध आहेत. हिरो एचएफ डिलक्स बाईकच्या मायलेजबद्दल कंपनीचा दावा आहे की ही बाईक ७० किमी प्रति लीटर मायलेज देते. (हे ही वाचा : १५ वर्षापासून भारतीय लोक मारुतीच्या ‘या’ कारच्या लागले मागे, २५ लाख ग्राहकांनी केली खरेदी, मायलेज ३४ किमी ) 'इतका' भरावा लागेल EMI Hero HF Deluxe किंमत ५९,०१८ रुपये (एक्स-शोरूम) पासून सुरू होते. जर तुम्हाला ती कर्जावर खरेदी करायची असेल, तर अनेक फायनान्सर तुम्हाला ही बाईक फक्त ३,५०० रुपयांच्या डाउन पेमेंटवर उपलब्ध करून देतात. जर तुम्ही या बाईकवर ३६ महिन्यांच्या कालावधीसाठी ६५,४७३ रुपयांचे कर्ज घेतले तर तुम्हाला १० टक्के व्याजदराने दरमहा २,३६४ रुपयांचा EMI भरावा लागेल.
