Honda Motorcycle Sale: होंडा मोटरसायकल अँड स्कूटर इंडिया कंपनीची भारतीय बाजारात दमदार कामगिरी होत आहे. कंपनी दिवसेंदिवस त्यांच्या वाहनांची विक्री मोठ्या प्रमाणात वाढवत आहे. दुचाकी वाहनांमध्ये १२५ सीसी इंजिन असलेल्या बाईकला मोठी मागणी आहे. आता कंपनीच्या बाईकनं बाजारपेठेत मोठा विक्रम नोंदविला आहे. भारतीय ग्राहकांनी होंडाच्या बाईकला खूप पसंत केले आहे. होंडा मोटरसायकल आणि स्कूटर इंडियाने सांगितले की, त्यांच्या शाईन बाईकच्या ३० लाखांहून अधिक युनिट्स विकल्या गेल्या आहेत. हे कंपनीसाठी आणखी एक मैलाचा दगड गाठण्यासारखे आहे. होंडाने ११ वर्षांत पहिले १५ लाख ग्राहक मिळवले. नंतर ते दुप्पट वेगाने वाढले आणि अलीकडेच केवळ ६.५ वर्षांत १५ लाख ग्राहक मिळवले. या उल्लेखनीय कामगिरीमध्ये महाराष्ट्राने महत्त्वाची भूमिका बजावली आहे. कारण महाराष्ट्रात या बाईकच्या २० लाखांहून अधिक युनिट्सची विक्री झालीये. Honda Shine 125 मध्ये काय आहे खास होंडा शाईन ही भारतीय बाजारात १२५ सीसी सेगमेंट मध्ये सर्वात जास्त विकली जाणारी बाईक ठरली आहे. ही हिरो मोटोकॉर्पची एक खूपच लोकप्रिय बाईक आहे. होंडा शाइन मध्ये १२३.९४ सीसीचे सिंगल सिलिंडर एसआय इंजिन दिले आहे. जे ७.९ kW चे मॅक्सिमम पॉवर आणि ११ एनएम चे पीक टॉर्क जनरेट करते. याचे इंजिन ५ स्पीड गियरबॉक्स सोबत येते. ही बाईक ५ कलर ऑप्शन मध्ये येते. Honda Shine 125 ची किंमत ७८ हजार ६८७ रुपयांपासून सुरू होते, ८२ हजार ६८७ रुपये (एक्स-शोरूम दिल्ली) पर्यंत जाते. ही बाईक ६५ Kmpl चा जबरदस्त मायलेज देते.