scorecardresearch

Premium

कोळसा विकून ‘ही’ कंपनी बनली मालामाल, तीन महिन्यांत थोडे थोडके नव्हे, तर कमावले ‘इतके’ कोटी रुपये

कोल इंडियाने शुक्रवारी सप्टेंबर तिमाहीचे निकाल जाहीर केले. गेल्या वर्षीच्या याच तिमाहीच्या तुलनेत १२.५ टक्के वाढीसह कंपनीने ६८०० कोटी रुपयांचा नफा कमावला आहे.

coal
कोळसा खाण (संग्रहित छायाचित्र) ; फोटो- लोकसत्ता टीम

देशातील महारत्न कंपनी कोल इंडियाने सप्टेंबरच्या तिमाहीत कोळसा विकून मोठा नफा मिळवला आहे. कंपनीच्या नफ्याबद्दल बोलायचे झाल्यास गेल्या वर्षीच्या तुलनेत १३ टक्क्यांनी वाढ झाली आहे. दुसरीकडे महसुलात १० टक्के वाढ दिसून आली आहे. यानिमित्ताने कंपनीने गुंतवणूकदारांना दिवाळी भेट दिली असून १५ रुपयांपेक्षा जास्त लाभांशही जाहीर केला आहे. कोल इंडियाचे शेअर्स आज शेअर बाजारात स्थिर किमतीवर बंद झाले. कोल इंडियाने आता कोणत्या प्रकारचे त्रैमासिक निकाल जाहीर केलेत ते जाणून घेऊ यात.

नफा आणि महसूल वाढणार

कोल इंडियाने शुक्रवारी सप्टेंबर तिमाहीचे निकाल जाहीर केले. गेल्या वर्षीच्या याच तिमाहीच्या तुलनेत १२.५ टक्के वाढीसह कंपनीने ६८०० कोटी रुपयांचा नफा कमावला आहे. महसुलाबद्दल बोलायचे झाल्यास गेल्या वर्षीच्या याच तिमाहीच्या तुलनेत तो १० टक्क्यांनी वाढून ३२,७७६.४१ कोटी रुपये झाला आहे. कंपनी बोर्डाने चालू आर्थिक वर्षासाठी १५.२५ रुपये प्रति शेअर अंतरिम लाभांश देण्याची शिफारस केली आहे. कोळसा प्रमुखांनी यासाठी २१ नोव्हेंबर ही रेकॉर्ड डेट निश्चित केली आहे.

retail inflation rate eases to three month low of 5 1 percent in january
किरकोळ महागाईचा अल्प-दिलासा; जानेवारीत तीन महिन्यांच्या नीचांकी ५.१ टक्क्यांवर
Loss of Rs 3 per liter on sale of diesel to public sector oil distribution companies
डिझेलवर तेल कंपन्यांना लिटरमागे तीन रुपयांचा तोटा; वर्षाहून अधिक काळ टाळलेल्या किंमतवाढीचा परिणाम
mutual fund assets increase mutual funds collection through nfos rs 63854 crore in 2023
नवीन योजनांमुळे म्युच्युअल फंड मालमत्तेत वाढ; ‘एनएफओ’तून वर्षभरात ६३ हजार कोटींची भर
indian railway
भारतीय रेल्वेने ‘या’ ९ महिन्यांत आतापर्यंतचा सर्वाधिक भांडवली खर्चाचा केला वापर

हेही वाचाः भारताला तैवानकडून दिवाळीच्या सणातच गुड न्यूज, चीनचा विरोध झुगारून १ लाखांहून अधिक भारतीयांना देणार रोजगार

उत्पादनात वाढ

कंपनीने EBITDA मध्ये १२ टक्‍क्‍यांनी वाढ नोंदवली आहे आणि ती ८,१३७ कोटी रुपयांपर्यंत वाढली आहे. ऑपरेटिंग मार्जिन ४३ बेसिस पॉइंटने वाढून २४.८३ टक्क्यांवर पोहोचला आहे. सप्टेंबर तिमाहीत कंपनीचे एकूण उत्पादन १५७.४३ दशलक्ष टन होते, जे एका वर्षापूर्वी १३९.२३ दशलक्ष टन होते आणि तिमाहीपूर्वी १७५.४८ दशलक्ष टन होते. खाणीतून १७३.७३ दशलक्ष टन कोळसा उचलला गेला, जो एका वर्षापूर्वी १५४.५३ दशलक्ष टन होता आणि गेल्या तिमाहीत १८६.९५ दशलक्ष टन होता.

हेही वाचाः Money Mantra : दिवाळीपूर्वीच EPFO ​​खातेदारांना गिफ्ट, व्याजाचे पैसे खात्यात जमा होण्यास सुरुवात, ‘अशा’ पद्धतीनं बॅलन्स तपासा

किती कर भरला?

या तिमाहीत इतर स्त्रोतांकडून मिळकत १९८४ कोटी रुपये होती, जी एका वर्षापूर्वी १७६१ कोटी रुपये होती. एकूण खर्च २६,००० कोटी रुपये होता, तर वर्षभरापूर्वी तो २३,७७० कोटी रुपये होता. सप्टेंबर तिमाहीत निव्वळ कर खर्च वाढून २,०३६.५१ कोटी झाला आहे, जो मागील वर्षीच्या १,६४३.४९ कोटी होता. सप्टेंबरमध्ये संपलेल्या सहा महिन्यांचा महसूल वार्षिक तुलनेत ६ टक्क्यांनी वाढून ६८,७५९.६२ कोटी रुपये झाला, तर नफा जवळपास १ टक्क्यांनी घसरून १४,७७१ कोटी रुपयांवर आला. नॅशनल स्टॉक एक्सचेंजमध्ये जगातील सर्वात मोठ्या कोळसा कंपनीचे शेअर्स ३२३.४० रुपयांवर बंद झाले.

Latest Comment
View All Comments
Post Comment

मराठीतील सर्व अर्थवृत्त बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Coal india limited company became a fortune by selling coal not a little bit in three months but earned 6800 crores of rupees vrd

First published on: 11-11-2023 at 14:04 IST

संबंधित बातम्या

तुम्ही या बातम्या वाचल्या आहेत का? ×