मुंबई : आखातातील युद्ध भडक्याच्या भीतीने भांडवली बाजारात झालेली मोठी पडझड आणि विदेशी गुंतवणूकदारांच्या माघारीचा वाईट परिणाम भारतीय चलन अर्थात रुपयाच्या मूल्यावर दिसून आला. शुक्रवारी बंद झालेल्या प्रति डॉलर ८३.३८ या पातळीच्या तुलनेत रुपयाने आणखी ७ पैसे गमावत सोमवारी प्रति डॉलर ८३.४५ या आजवरच्या सर्वात नीचांकी पातळीवर बंद नोंदवला.

हेही वाचा >>> टेस्लातील १० टक्के कर्मचाऱ्यांच्या नोकऱ्यांवर कुऱ्हाड, एलॉन मस्क यांनी मेलद्वारे दिला इशारा; म्हणाले, “खर्च कमी करण्यासाठी…”

The Index of Industrial Production IIP recorded a growth of 4 9 percent in March
औद्योगिक उत्पादन मंदावले, मार्चमध्ये वाढीचा दर ४.९ टक्के; तर आर्थिक वर्षात ५.८ टक्के
Go Digit 2615 crore IPO to Virat Kohli could yield a multiple return of 263 percent
‘गो डिजिट’चा २,६१५ कोटींचा ‘आयपीओ’ विराट कोहलीला २६३ टक्क्यांचा बहुप्रसवा परतावा शक्य
reserve bank
सोने तारण कर्जाचे रोखीत वितरण २०,००० रुपयांच्या मर्यादेपर्यंतच ;वित्तीय कंपन्यांना काटेकोर पालनाचे रिझर्व्ह बँकेचे निर्देश
The country security market is estimated to reach dollars 736 billion by 2029 print eco news
देशाची सुरक्षा बाजारपेठ २०२९ पर्यंत ७३६ कोटी डॉलरवर जाण्याचा अंदाज
bsnl to launch 4g services across india
बीएसएनएलच्या ४ जी सेवेला अखेर ऑगस्टचा मुहूर्त; पंजाबमधील पथदर्शी प्रकल्पाच्या यशानंतर देशभरात अनावरण
india s manufacturing pmi slips to 58 8 in april
निर्मिती क्षेत्राचा वेग मंदावला; एप्रिलमध्ये पीएमआय निर्देशांक घसरून ५८.८ गुणांकावर
Goldman Sachs forecasts
भारत वैश्विक ‘सेवा आगार’ बनेल ! निर्यात २०३० पर्यंत ८०० अब्ज डॉलरवर जाण्याचा गोल्डमन सॅक्सचा आशावाद
Indegene IPO is open for investment from May 6 eco news
इंडेजीनचा ‘आयपीओ’ ६ मेपासून गुंतवणुकीस खुला

रुपयाने एप्रिलच्या सुरुवातीला ८३.४५ ही सार्वकालिक नीचांकी पातळी गाठली होती. सोमवारी रिझर्व्ह बँकेच्या संभाव्य डॉलर विक्रीमुळे रुपयाच्या मूल्य ऱ्हासावर अंकुश ठेवण्यास मदत झाली असली, तरी विक्रमी नीचांकाचीच बरोबरी त्याने साधली. आंतरबँक चलन बाजारातील सोमवारच्या व्यवहार सत्राची सुरुवात ८३.४६ या ऐतिहासिक तळापासून रूपयाने केली. सत्रांतर्गत ही घसरण वाढत प्रति डॉलर ८३.४७ पर्यंत गेली होती.

हेही वाचा >>> Gold-Silver Price on 15 April 2024: सोन्याच्या वाढत्या किमतीमुळे ग्राहकांना फुटला घाम, १० ग्रॅमचा दर ऐकून व्हाल थक्क

इराणने इस्रायलवर केलेल्या हल्ल्यानंतर तेलसंपन्न पश्चिम आशियातील संघर्ष वाढत जाण्याची जोखीम निर्माण झाल्यामुळे भयग्रस्त गुंतवणूकदारांनी केलेल्या विक्रीने सोमवारी भांडवली बाजारात प्रमुख निर्देशांकांची मोठी घसरण दिसून आली. शुक्रवारपाठोपाठ, सोमवारच्या सत्रातही सेन्सेक्स आणि निफ्टी दोन्हींनी एक टक्क्याहून अधिक गटांगळी घेतली आणि गुंतवणूकदारांना त्यांच्या मत्तेत तब्बल ५.१८ लाख कोटी रुपयांचे नुकसान पाहावे लागले. 
पश्चिम आशियातील वाढत्या तणावामुळे अमेरिकी डॉलरच्या तुलनेत सर्वच आशियाई चलनांवर आणि मालमत्ता वर्गावर परिणाम दिसून आला आहे. तूर्त रुपयातील अस्थिरता रोखण्यासाठी मध्यवर्ती बँक देखील बाजारात सक्रियपणे हस्तक्षेप करत आहे. तथापि, जर इस्रायल-इराण युद्ध परिस्थिती बिघडली तर रुपयाच्या मूल्यावर ताण वाढत जाईल, असा शेअरखान बीएनपी परिबाचे विश्लेषक अनुज चौधरी यांचा होरा आहे. व्यापारात व्यत्ययामुळे भारताकडून आयात होणाऱ्या खनिज तेलाच्या किमती कडाडल्यास रुपयाची घसरण प्रति डॉलर ८३.८० पर्यंत वाढू शकेल, अशी शक्यताही त्यांनी व्यक्त केली.