scorecardresearch

Premium

अमेरिकेत १६३ भारतीय कंपन्यांकडून ४० अब्ज डॉलरची गुंतवणूक

अमेरिकेत आतापर्यंत १६३ भारतीय कंपन्यांनी ४० अब्ज अमेरिकी डॉलरपेक्षा अधिक गुंतवणूक केली आहे.

doller
अमेरिकेत १६३ भारतीय कंपन्यांकडून ४० अब्ज डॉलरची गुंतवणूक (Photo Courtesy: Financial Express)

पीटीआय, वॉशिंग्टन

अमेरिकेत आतापर्यंत १६३ भारतीय कंपन्यांनी ४० अब्ज अमेरिकी डॉलरपेक्षा अधिक गुंतवणूक केली आहे. ज्यामुळे तिथे सुमारे ४,२५,००० नोकऱ्या निर्माण झाल्या आहेत, असे ‘इंडियन रूट्स, अमेरिकन सॉईल’ शीर्षकाखाली गुरुवारी प्रसिद्ध झालेल्या अहवालातून समोर आले आहे.

Smartphone usage in India
भारतीय नागरिक स्मार्टफोनच्या आहारी; ८४ टक्के लोकांमध्ये दिसतेय ‘ही’ सवय
mXmoto company launched M16 electric cruiser in India With 8 year warranty for the battery pack
आठ वर्षांच्या गॅरेंटीसह ‘या’ कंपनीची मोटारसायकल भारतात लाँच; सिंगल चार्जवर २२० किमी धावणार, किंमत…
Threatening email to US attorney demanding Joe Biden apologize or fire US attorney Mumbai news
जो बायडन यांनी माफी मागावी, अन्यथा अमेरिकन वकिलाती उडवू; अमेरिकन वकिलातीला धमकीचा ई-मेल
Hyundai aims to raise Rs 25000 crore from investors in India
ह्युंडाईची भारतात ‘महा-आयपीओ’ची तयारी; गुंतवणूकदारांकडून तब्बल २५ हजार कोटी उभारण्याचे लक्ष्य

भारतीय कंपन्यांनी अमेरिकेमध्ये सामाजिक उत्तरदायित्व निधीच्या (सीएसआर फंड) माध्यमातून सुमारे १८.५ कोटी डॉलर खर्च केले आहेत. तर संशोधन आणि विकास प्रकल्पांसाठी सुमारे १ अब्ज अमेरिकी डॉलरचा वित्तपुरवठा केला आहे, असे भारताचे अमेरिकेतील राजदूत तरनजीत सिंग संधू यांनी भारतासाठी अमेरिकेचे नियुक्त राजदूत एरिक गार्सेट्टी यांच्या उपस्थितीत सांगितले.

अमेरिकेतील भारतीय कंपन्या अमेरिकेत सामर्थ्य, लवचीकता आणि स्पर्धात्मकता आणतात. शिवाय ते केवळ रोजगारच निर्माण करत नसून तेथील स्थानिक समुदायांना सामावून घेतात, असे संधू यांनी सांगितले. या वेळी भारतीय उद्योग महासंघाचे महासंचालक चंद्रजीत बॅनर्जीदेखील उपस्थित होते. भारतीय कंपन्यांची वाढती गुंतवणूक आणि रोजगारनिर्मिती, तसेच वाढत्या क्षेत्रातील वैविध्य आणि संपूर्ण अमेरिकेतील भौगोलिक उपस्थिती वाढविण्याची कटिबद्धता त्यांनी दर्शविली आहे, असे भारतीय उद्योग महासंघाचे महासंचालक बॅनर्जी म्हणाले.

भारतीय कंपन्यांनी टेक्सासमध्ये सर्वाधिक ९.८ अब्ज डॉलरची गुंतवणूक केली आहे. त्यामुळे तिथे सर्वाधिक म्हणजेच २०,९०६ नोकऱ्यांची निर्मिती झाली आहे. त्यापाठोपाठ जॉर्जिया ७.५ अब्ज डॉलर (१३,९४५ नोकऱ्या), न्यू जर्सी ४.२ अब्ज डॉलर (१७,७१३ नोकऱ्या), न्यूयॉर्क २.१ अब्ज डॉलर (१९,१६२ नोकऱ्या), मॅसॅच्युसेट्स १.४ अब्ज डॉलर, केंटकी ९०.८ कोटी डॉलर, कॅलिफोर्निया ७७.६ कोटी डॉलर (१४,३३४ नोकऱ्या), मेरीलँड ७२ कोटी डॉलर, फ्लोरिडा ७१.१ कोटी डॉलर (१४,४१८ नोकऱ्या) आणि इंडियानामध्ये ५८.२ कोटी डॉलरची गुंतवणूक करण्यात आली आहे.
सर्वेक्षणानुसार, ८५ टक्के भारतीय कंपन्यांनी पुढील काही वर्षांमध्ये अमेरिकेमध्ये अधिक गुंतवणूक करण्याची, तर ८३ टक्के कंपन्यांनी पुढील पाच वर्षांत अमेरिकेत अधिक कर्मचारी नियुक्त करण्याची योजना आखली आहे.

Latest Comment
View All Comments
Post Comment

मराठीतील सर्व अर्थवृत्त बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Investment of 40 billion dollars by 163 indian companies in america print eco news amy

First published on: 05-05-2023 at 13:42 IST

संबंधित बातम्या

तुम्ही या बातम्या वाचल्या आहेत का? ×