25 September 2020

News Flash

नक्षलवाद्यांबरोबर चकमकीत सीआरपीएफचे पाच जवान शहीद

छत्तीसगडच्या बिजापूरमध्ये नक्षलवाद्यांबरोबर झालेल्या चकमकीत केंद्रीय राखीव पोलीस दलाचे पाच जवान शहीद झाले आहेत.

(संग्रहित छायाचित्र)

छत्तीसगडच्या बिजापूर जिल्ह्यात नक्षलवाद्यांनी शनिवारी केंद्रीय राखीव पोलीस दलाच्या जवानांची गाडी स्फोटामध्ये उडवून दिली. या हल्ल्यामध्ये सीआरपीएफचे पाच जवान शहीद झाले असून दोन जवान जखमी झाले आहेत. नक्षलवाद्यांनी सीआरपीएफची सुरुंगापासून संरक्षण देणारी गाडी उडवली.

सीआरपीएफचे जवान गस्तीवर निघालेला असताना हा हल्ला झाला. सीआरपीएफने मुरदाना भागात कॅम्प लावला होता. तिथे शनिवारी संध्याकाळी चारच्या सुमारास ही घटना घडली. हा भाग अवापल्ली पोलीस स्टेशनच्या हद्दीत येतो अशी माहिती पोलीस अधीक्षक मोहित गर्ग यांनी दिली.

कॅम्पपासून एक किलोमीटर अंतरावर झालेल्या शक्तीशाली स्फोटामध्ये या एमपीव्ही गाडीचा चक्काचूर झाला. या गाडीमध्ये सहा जण होते असे गर्ग यांनी सांगितले. घटनास्थळी तात्काळ अतिरिक्त कुमक पाठवण्यात आली आहे. छत्तीसगडमध्ये १२ आणि २० नोव्हेंबर अशा दोन टप्प्यांमध्ये विधानसभा निवडणुकीसाठी मतदान होणार आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 27, 2018 6:29 pm

Web Title: four crpf jawan martyr in chhattisgarh
Next Stories
1 आम्ही भाजपाच्या दयेने सत्तेत आलेलो नाही हे अमित शाह यांनी लक्षात ठेवावे – केरळ मुख्यमंत्री
2 सट्टा बाजाराचा भाजपावर विश्वास! ‘या’ राज्यांमध्ये फुलणार कमळ
3 धक्कादायक! : भेसळयुक्त रक्त विकणारी टोळी जेरबंद; हजाराहून अधिक रुग्णांना विकले रक्त
Just Now!
X