शालान्त परीक्षेतील सामूहिक कॉपीस रोखल्याबद्दल शिक्षकांना मारहाण होण्याचे बिहारमधील प्रकरण गाजत असतानाच परीक्षेत कॉपीसारखेच गैरप्रकार रोखणाऱ्या प्राध्यापकास येथील विद्यार्थ्यांनी मारहाण केल्याचे उघड झाले आहे. बिपीन बिहारी महाविद्यालयातील राहुल यादव हा बीएस्सीत शिकणारा विद्यार्थी परीक्षेत कॉपी करीत असताना प्राध्यापकांनी त्याला रोखले असताना राहुल आणि त्याच्या मित्रांनी त्यांना मारहाण केली. १७ मार्च रोजी ही घटना घडली. राहुल हा विद्यार्थी संघटनेचा नेता असून त्याच्याविरोधात गुन्हा दाखल करण्यात आला आहे. राहुल याला अटक करण्यात आली आहे. महाविद्यालयाचे प्राचार्य डॉ.एम.एम. पांडेय यांनी ही माहिती दिली.
