मैदानावर जांभई देणे पाक कर्णधार सरफराजला पडले महागात, नेटकरी म्हणतात..

अनेकांनी ट्विटरवर स्पेशल कमेंटसह केला फोटो शेअर

पाकिस्तान क्रिकेट संघाचा कर्णधार सरफराज अहमद काल झालेल्या भारत विरूद्ध पाकिस्तानच्या सामन्यात एका चुकीच्या क्षणी कॅमे-यात कैद झाला. पावसाच्या व्यत्ययानंतर जेव्हा सामना पुन्हा सुरू झाला तेव्हा सरफराज हा जांभई देत असताना कॅमे-यात टिपला गेला आहे. त्याचे मैदानावर जांभई देतानाचे छायाचित्र सोशल मीडियावर सर्वत्र व्हायरल होत आहे.

काल झालेल्या भारत-पाकिस्तान सामन्याच्या पहिल्या डावामध्ये अपेक्षेप्रमाणे पावसाने व्यत्यय आणला. तेव्हा ४७ षटकं संपली होती कर्णधार विराट कोहली आणि शंकर हे खेळत होते. खेळाडूंना साधारण आणखी तासभरासाठी खेळायचे होते. यानंतर पहिला डाव संपला तेव्हा भारताने पाच गडी गमावत पाकिस्तनाला ३३६ धावांचं लक्ष्य दिले. यानंतर पावसाच्या वारंवार व्यत्ययानंतरही भारताने पाकिस्तानवर ८९ धावांनी विजय मिळवला.

दरम्यान विश्वचषकातील सर्वात लक्षवेधी ठरेलेला हा सामना जगभरातील कोट्यावधी प्रेक्षकांनी पाहिला शिवाय मैदानावर उपस्थित हजारो प्रेक्षकही याचे प्रत्यक्ष साक्षीदार होते. अशावेळी पाकिस्तानचा कर्णधार व यष्टिरक्षक सरफराजकडून मैदानावर खेळादरम्यान घडत असलेली ही चूक कोणाच्याही नजरेस न पडणे अशक्यच होते. यानंतर काहीजणांनी लगेचच ट्विटरवर सरफराजचा जांभई देतानाचा फोटो शेअर करून त्याच्यावर जोक करणे सुरू केले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Pakistan captain sarfaraz yawns during match msr

Next Story
बराक ओबामा यांची रोम्नींवर टीका
ताज्या बातम्या