scorecardresearch

Premium

राजपूत करणी सेनेच्या अध्यक्षांवरील गोळीबाराचा CCTV व्हिडीओ समोर, शेजारीच बसलेले हल्लेखोर; अन् अचानक…

Karni Sena Chief Sukhdev Singh Gogamedi Shot Dead : जयपूरच्या श्याम नगर येथील गोगामेडी यांच्या घरी गोळीबाराची घटना घडली आहे.

sukhdev singh gogamedi murder cctv video
राजपूत करणी सेनेच्या अध्यक्ष सुखदेव सिंह गोगामेडी यांच्यावरील गोळीबाराच सीसीटीव्ही व्हिडीओ ( स्क्रिनग्रॅब छायाचित्र )

Karni Sena Latest News : राजस्थानमध्ये एक खळबळजनक घटना समोर आली आहे. राजपूत करणी सेनेचे अध्यक्ष सुखदेव सिंह गोगामेडी यांच्यावर मंगळवारी ( ५ नोव्हेंबर ) जयपूरमध्ये तीन हल्लेखोरांनी गोळ्या झाडल्या. या हल्ल्यात सुखदेव सिंह गोगामेडी यांचा मृत्यू झाला आहे. तर, प्रत्युत्तरात केलेल्या गोळीबारात एका हल्लेखोराचाही मृत्यू झाल्याचं पोलिसांनी सांगितलं आहे. या घटनेचा सीसीटीव्ही व्हिडीओ समोर आला आहे.

जयपूरच्या श्याम नगर येथील गोगामेडी यांच्या घरी दुपारच्या सुमारास ही घटना घडली आहे. गोळी लागल्यानंतर गोगामेडी यांना रूग्णालयात दाखल करण्यात आलं होतं. तिथे डॉक्टरांनी गोगामेडी यांना मृत घोषित केलं आहे.

Due to security reasons Ganpat Gaikwad in court in the morning with police force
सुरक्षेच्या कारणास्तव गणपत गायकवाड सकाळीच पोलिसांच्या फौजफाट्यासह न्यायालयात
MNS city president Gajanan Kale
मनसेचे शहर अध्यक्ष गजानन काळे यांच्या विरोधात गुन्हा दाखल
Uday Samant on Abhishek Firing slams UBT faction
‘उबाठा गटाच्या अंतर्गत वादामुळे गोळीबार’, उदय सामंत यांचा खळबळजनक आरोप
police car hit a senior citizen pune
पोलिसांच्या मोटारीची ज्येष्ठ नागरिकाला धडक; पोलीस कर्मचाऱ्याविरुद्ध गुन्हा

हेही वाचा : कोण होते सुखदेव सिंह गोगामेडी? ‘पद्मावत’ चित्रपटाला विरोध केल्यामुळे चर्चेत आले होते राजपूत करणी सेनेचे अध्यक्ष

जयपूरचे पोलीस आयुक्त बिजू जॉर्ज जोसेफ यांनी म्हटलं, “तीन जणांनी गोगामेडींवर श्याम नगर येथील घरी गोळ्या घाडल्या. प्रत्युत्तरात केलेल्या गोळीबारात एक हल्लेखोरही ठार झाला आहे. नवीन सिंह शेखावत असं ठार झालेल्या हल्लेखोराचं नाव आहे. गोगामेडींचा मित्र गोळीबारात गंभीर जखमी झाला आहे. तर, सुरक्षा कर्मचाऱ्याच्या पायात गोळी लागली आहे. दोन हल्लेखोर फरार झाले आहेत.”

हेही वाचा : VIDEO : राजपूत करणी सेनेच्या अध्यक्षांची हत्या, चार हल्लेखोरांनी घरात घुसून झाडल्या गोळ्या, परिसरात एकच खळबळ

सीसीटीव्ही व्हिडीओत काय?

या घटनेचा सीसीटीव्ही व्हिडीओ समोर आला आहे. यात सुखदेव सिंह गोगामेडी सोफ्यावर बसलेले दिसत आहेत. त्यांच्यासमोर तीन लोक बसले आहेत. यावेळी अचानक दोघांनी उठून गोळ्या झाडल्या. हल्लेखोरांनी गोगामेडी यांच्याबरोबर मित्र आणि सुरक्षा रक्षकावरही गोळ्या झाडल्याच व्हिडीओत दिसत आहे.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Rajput karni sena head sukhdev singh gogamedi murder cctv video ssa

First published on: 05-12-2023 at 17:24 IST

संबंधित बातम्या

तुम्ही या बातम्या वाचल्या आहेत का? ×