आयर्लंडमधील भारताचे राजदूत अखिलेश मिश्रा यांच्या एका प्रतिक्रियेवर काँग्रेसने तीव्र आक्षेप घेतला आहे. राजदूत अखिलेश मिश्रा यांनी एका आयरिश वृत्तपत्राला आपली प्रतिक्रिया दिली होती. त्यामध्ये त्यांनी विरोधी पक्षांवर टीका केली होती. यावरुन राजदूत हे एखाद्या पक्षाच्या कार्यकर्त्याप्रमाणे काम करत असल्याचा आरोप काँग्रेसकडून करण्यात आला. तसेच अखिलेश मिश्रा यांना त्यांच्या पदावरुन हटविण्याची मागणी काँग्रेसने केली.

एका आयरिश वृत्तपत्रामध्ये भारतीय निवडणुकासंदर्भात एक लेख प्रसिद्ध झाला होता. यावर भारताचे आयर्लंडमधील राजदूत अखिलेश मिश्रा यांनी या वृत्तपत्राला आपली प्रतिक्रिया दिली होती. यामध्ये त्यांनी विरोधकांवर हल्ला केला होता. तर पंतप्रधान नरेंद्र मोदी यांच्या नेतृत्वाखालील सरकारचे कौतुक केले होते. यावर काँग्रेसने आक्षेप घेतला. यासंदर्भातील वृत्त इंडियन एक्सप्रेसने दिले आहे.

Congress poses questions to PM Modi on BJP alleged links with China
भाजपचे चीनशी संबंध; काँग्रेसचा आरोप, पंतप्रधान मोदींनी उत्तर देण्याची मागणी
Raj Thackeray
“राज ठाकरे भाजपाचं स्क्रिप्ट वाचतात, करमणुकीसाठी निवडणुकीआधी इव्हेंट…”, काँग्रेस नेत्याची बोचरी टीका
Narendra Modi on Pakistan nuclear
“पाकिस्तानने अणुबॉम्ब विकायला काढलाय”, पंतप्रधान नरेंद्र मोदींचा काँग्रेसवर हल्लाबोल
Priyanka Gandhi Congress campaign in Rae Bareli loksabha election 2024
रायबरेलीत प्रचार करताना प्रियांका गांधी का काढत आहेत १९२१ च्या हत्याकांडाची आठवण?
Who is Sam Pitroda In trouble
कोण आहेत सॅम पित्रोदा? वर्णद्वेषावर विधान केल्याने अडचणीत; काँग्रेसच्या ओव्हरसीज अध्यक्षपदाचाही दिला राजीनामा
Uddhav Thackeray reply to BJP regarding merger of Shiv Sena with Congress Pune print news
‘काँग्रेसमध्ये विलीन होण्यास शिवसेना छोटा पक्ष नाही,’ उद्धव ठाकरे यांचे भाजपला प्रत्युत्तर
prajwal revanna case
Scandal: “प्रज्ज्वल रेवण्णाला भगवान कृष्णाचाही रेकॉर्ड मोडायचा होता”, काँग्रेसच्या मंत्र्याचं वादग्रस्त विधान
What Narendra Modi Said?
पंतप्रधान नरेंद्र मोदींचा आरोप, “काँग्रेसच्या जाहीरनाम्यावर मुस्लिम लीगची छाप”

हेही वाचा : “पोस्ट्स हटवतो, पण आदेश अमान्य”, निवडणूक आयोगाच्या निर्णयावर ‘एक्स’ची भूमिका

जयराम रमेश काय म्हणाले?

काँग्रेसचे ज्येष्ठ नेते जयराम रमेश यांनी या संदर्भात ‘एक्स’वर पोस्ट करत आपली प्रतिक्रिया दिली. ते म्हणाले, “भारत सरकारचा बचाव करणे ही गोष्ट अपेक्षित आहे. मात्र, अशा प्रकारे विरोधी पक्षांवर हल्ला करणे हे एखाद्या पक्षप्रचारकाप्रमाणे राजदूताकडून अपेक्षित नाही. याचा अर्थ असा होतो की, एखाद्या राजकीय पक्षासाठी काम करणे. विरोधकांवर टीका करणे म्हणजे एखाद्या पक्षाचे कार्यकर्ते असल्यासारखे वागणे होय. पण एका उच्चपदस्थ अधिकाऱ्याकडून हे अपेक्षित नाही”, असे म्हणत जयराम रमेश यांनी आयर्लंडमधील राजदूत अखिलेश मिश्रा यांच्यावर पक्षपाताचा आरोप केला. तसेच त्यांना पदावरून हटवण्याची मागणीही केली.

आयरिश वृत्तपत्रातील लेखात काय लिहिले होते?

एका आयरिश वृत्तपत्रामध्ये भारतीय निवडणुकांवर एक लेख लिहिला होता. या लेखामध्ये पंतप्रधान नरेंद्र मोदी यांनी निवडणुकीवर आपली पकड मजबूत केली आहे, अशा संदर्भाने लिहिले होते. यानंतर आयर्लंडमधील भारताचे राजदूत अखिलेश मिश्रा यांनी यावर प्रतिक्रिया देत पंतप्रधान मोदी यांची देशातील लोकप्रियता अभूतपूर्व असून भारताची लोकशाही मजबूत आहे, असे सांगत विरोधी पक्षावर टीका केली होती.