scorecardresearch

Premium

आमदार मोहन यादव बनणार मध्य प्रदेशाचे नवे मुख्यमंत्री, भाजपाकडून मोठी घोषणा

उज्जैन दक्षिण मतदारसंघाचे आमदार मोहन यादव हे मध्य प्रदेशचे पुढील मुख्यमंत्री असतील.

new cm mohan yadav
आमदार मोहन यादव (Photo: X/@DrMohanYadav51)

मध्य प्रदेश विधानसभा निवडणुकीत भारतीय जनता पार्टीने मोठं यश मिळवलं आहे. भाजपाचे ज्येष्ठ नेते शिवराज सिंह चौहान यांच्या नेतृत्वाखाली लढवलेल्या या निवडणुकीत भाजपाने १६३ जागा जिंकत स्पष्ट बहुमत मिळवलं आहे. ३ डिसेंबर रोजी निकाल लागल्यानंतर मध्य प्रदेशचा मुख्यमंत्री कोण होणार? याकडे सर्वांचं लक्ष लागलं होतं. भाजपाचे केंद्रीय नेते मुख्यमंत्रीपदाची जबाबदारी कुणाकडे देणार? याबाबत विविध तर्क वितर्क लावले जात होते.

अखेर सोमवारी भाजपाने मुख्यमंत्री पदाबाबत मोठी घोषणा केली. उज्जैन दक्षिण मतदारसंघाचे आमदार मोहन यादव हे मध्य प्रदेशचे पुढील मुख्यमंत्री असतील. आमदार यादव हे चार वेळा मुख्यमंत्रीपद भुषवलेल्या शिवराज सिंह चौहान यांची जागा घेतील.

Eknath shinde, kolhapur, hatkanangale lok sabha constituency
मुख्यमंत्री शिंदे पुन्हा कोल्हापुरात, हातकणंगले मतदारसंघासाठी लक्ष घातले
yogi adityanath akhilesh yadav
Rajya Sabha Election : अखिलेश यादवांना धक्का, उत्तर प्रदेशात सपा आमदारांची मतं भाजपाला; पाहा निवडणुकीचा निकाल
Devendra Fadnavis, Eknath Shinde, Ajit Pawar
महाराष्ट्राचा पुढचा मुख्यमंत्री कोण असेल? देवेंद्र फडणवीस म्हणाले, “संख्याबळ तर आमचंच…”
jagan mohan and narendra modi meet
एकीकडे टीडीपीशी युतीवर चर्चा, दुसरीकडे YSRCPचे जगनमोहन-मोदी यांची भेट; आंध्र प्रदेशसाठी भाजपाची रणनीती काय?

मोहन यादव हे उज्जैन विधानसभा मतदारसंघातून तीन वेळा निवडून आले आहेत. तसेच शिवराज सिंह चौहान यांच्या नेतृत्वाखालील मागील सरकारमध्ये त्यांनी शिक्षण मंत्री जबाबदारी सांभाळली आहे. तसेच २०११-१२ आणि २०१२-१३ मध्ये मध्य प्रदेशातील पर्यटन विकासासाठी राष्ट्रपतींनी मोहन यादव यांना पुरस्कार दिला होता.

याबाबत प्रतिक्रिया देताना भाजपाचे सरचिटणीस आणि आमदार कैलास विजयवर्गीय यांनी ‘इंडियन एक्स्प्रेस’ला सांगितलं, “पंतप्रधान मोदी हे नव्या भारतासाठी एक नवीन ऊर्जा, नवीन आशा, नवीन विकास म्हणून काम करत आहेत. मध्य प्रदेश मॉडेल म्हणून नेतृत्व करेल. नवीन नेतृत्वाखाली राज्य ते स्वप्ने पूर्ण करेल. ”

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ujjain south mla mohan yadav will be the next chief minister of madhya pradesh bjp announcement shivraj singh chauhan rmm

First published on: 11-12-2023 at 17:15 IST

संबंधित बातम्या

तुम्ही या बातम्या वाचल्या आहेत का? ×