scorecardresearch

Premium

करणी सेना अध्यक्ष गोगामेडी यांच्या हत्येची जबाबदारी घेणारा रोहित गोदारा कोण आहे? बिश्नोई गँगशी आहेत संबंध

रोहित गोदारा सध्या फरार असून इंटपोलनंही त्याच्याविरोधात रेड कॉर्नर नोटीस जारी केलं आहे.

sukhdev singh gogamedi rohit godara
सुखदेव सिंह गोगामेडी यांच्या हत्येची जबाबदारी रोहित गोदाराने घेतली आहे. ( लोकसत्ता ग्राफिक्स टीम )

राजस्थानमध्ये राजपूत करणी सेनेचे अध्यक्ष सुखदेव सिंह गोगामेडी यांच्यावर गोळीबार करण्यात आला. तीन हल्लेखोरांनी केलेल्या गोळीबारात सुखदेव सिंह गोगामेडी यांचा मृत्यू झाला आहे. यानंतर राजस्थानमध्ये एकच खळबळ उडाली आहे. ठिकठिकाणी राजपूत समाजाचे लोक रस्त्यावर उतरून आंदोलन करत आहेत. अशातच रोहित गोदारा गँगने या हत्येची जबाबदारी घेतली आहे. सोशल मीडियावर पोस्ट शेअर करत रोहित गोदारा गँगने गोगामेडी यांच्या हत्येची जबाबदारी घेतली. तर, रोहित गोदारा कोण आहे? याबद्दल जाणून घेणार आहोत.

“सुखदेव गोगामेडी आमच्या दुश्मनांची मदत करत असे”

रोहित गोदारानं फेसबुक पोस्टवर लिहिलं की, “राम राम… मी रोहित गोदारा कपूरसरी.. गोल्डी ब्रारच्या भावांनो… आज जी सुखदेव गोगामेडीची हत्या झाली आहे, त्याची जबाबदारी आम्ही घेतो. ही हत्या आम्ही केली आहे. सुखदेव गोगामेडी आमच्या दुश्मनांची मदत करत असे. दुश्मनांना पूर्णपणे मजबूत करण्याचं काम गोगामेडी करत होता. आता आमच्या दुश्मनांनी आपल्या घराच्या चौकटीवर आपली पार्थिव तयार ठेवावी.”

Donald Trump ordered to pay more
डोनाल्ड ट्रम्प यांना धक्का, भरावा लागणार ३५५ दशलक्ष डॉलरचा दंड, नेमकं कारण काय?
sukhbir singh badal
नांदेड गुरुद्वारा व्यवस्थापन समितीच्या पुनर्रचनेनंतर शिरोमणी अकाली दलाचे थेट पंतप्रधान मोदींना पत्र, नेमकं राजकारण काय?
uddhav thackeray shiv sena protest against zilla parishad officers for dancing on zingaat song
सांगली: जिल्हा परिषद अधिकाऱ्यांचे झिंगाट नृत्यावर शिवसेनेचा आक्षेप, कारवाई करण्याची मागणी
supreme court on chandigarh
चंदीगड महापौर निवडणुकीला सर्वोच्च न्यायालयाने ‘लोकशाहीची हत्या’ असे का म्हटले? नक्की काय घडले?

२०१० साली गोदारने गुन्हेगारी विश्वात पाऊल ठेवलं

रोहित गोदारा राजस्थानच्या बिकानेरमधील लूणकरण येथील रहिवाशी आहे. गोदारा लॉरेन्स बिश्नोई गँगचा सदस्य आहे. त्याच्यावर ३२ हून अधिक गंभीर स्वरूपाचे गुन्हे दाखल आहेत. २०१० साली गोदारने गुन्हेगारी विश्वात पाऊल ठेवलं होतं. त्याने राजस्थानच्या व्यावसायिकांकडून ५ ते १७ करोडपर्यंत खंडणीही मागितल्याचं समोर आलं आहे.

हेही वाचा : कोण होते सुखदेव सिंह गोगामेडी? ‘पद्मावत’ चित्रपटाला विरोध केल्यामुळे चर्चेत आले होते राजपूत करणी सेनेचे अध्यक्ष

मागील वर्षी गँगस्टर राजू ठेहटचा खून केला होता

रोहित गोदारावर राजस्थानचा गँगस्टर राजू ठेहटच्या खूनाचा आरोप आहे. फेसबुक पोस्ट करत रोहित गोदाराने राजू ठेहटच्या खूनाची जबाबदारी घेतली होती. “आनंदपाल सिंह आणि बलवीर बानूडा यांच्या हत्येचा बदला घेतला,” असं रोहित गोदारानं फेसबुक पोस्टमध्ये म्हटलं होतं.

हेही वाचा : राजपूत करणी सेनेच्या अध्यक्षांवरील गोळीबाराचा CCTV व्हिडीओ समोर, शेजारीच बसलेले हल्लेखोर; अन् अचानक…

इंटरपोलनं रेड कॉर्नर नोटीस केलं जारी

रोहित लॉरेन्स बिश्नोई आणि गोल्डी ब्रारसाठी काम करतो. सिद्धू मुसेवाला हत्याकांडमध्ये रोहित गोदाराचं नाव आलं होतं. १३ जून २०२२ साली दिल्लीतून नकली पासपोर्टच्या आधारे गोदारा दुबईला पळून गेला होता. नकली पासपोर्टवर गोदारानं आपलं नाव पवन कुमार लिहिलं होतं. त्याच्याविरोधात इंटरपोलनं रेड कॉर्नर नोटीस जारी केलं आहे. सध्या रोहित कॅनडात असल्याचं सांगितलं जात आहे.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Who is rohit godara gang who killed karni sena president sukhdev singh gogamedi related lawrence bishnoi ssa

First published on: 05-12-2023 at 19:24 IST

संबंधित बातम्या

तुम्ही या बातम्या वाचल्या आहेत का? ×