काँग्रेस नेते सचिन पायलट यांनी आज (३१ ऑक्टोबर) राजस्थानच्या टोंक विधानसभा मतदारसंघातून उमेदवारी अर्ज दाखल केला. पायलट यांनी निवडणुकीसाठी दाखल केलेल्या प्रतिज्ञापत्रातून धक्कादायक माहिती समोर आली आहे. या प्रतिज्ञापत्रात पायलट यांनी स्वतःला घटस्फोटित घोषित केलं आहे. त्यांच्या प्रतिज्ञापत्रात पत्नीच्या नावासमोर घटस्फोटित असं लिहिलं आहे. २०१८ च्या विधानसभा निवडणुकीसाठी पायलट यांनी दाखल केलेल्या शपथपत्रात पत्नीचा उल्लेख केला होता. तसेच त्यांच्या पत्नीकडे असलेल्या संपत्तीचाही खुलासा केला होता. परंतु, पायलट यांनी यंदा दाखल केलेल्या प्रतिज्ञापत्रात ते घटस्फोटित असल्याचं नमूद केलं आहे.

सचिन पायलट यांनी जम्मू काश्मीरचे दिग्गज नेते आणि माजी मुख्यमंत्री फारूख अब्दुल्ला यांची मुलगी सारा यांच्याशी लग्न केलं होतं. जम्मू काश्मीरचे माजी मुख्यमंत्री उमर अब्दुल्ला हे त्यांची थोरले बंधू आहेत. सचिन आणि सारा यांना आरन आणि विहान अशी दोन मुलं आहेत. ही दोन्ही मुलं आपल्यावर अवलंबून असल्याचा उल्लेख पायलट यांनी प्रतिज्ञापत्रात केला आहे.

Dr Madhav Kinhalkar, Dr Madhav Kinhalkar Resigns from BJP, Dr Madhav Kinhalkar next political decision, Bhokar Assembly constituency, nanded, sattakaran article, Maharashtra vidhan sabha election 2024,
सूर्यकांता पाटील यांच्यापाठोपाठ माधव किन्हाळकर यांचाही भाजपाला रामराम
Murbad MLA Kisan Kathore Vs Kapil Patil
मुरबाडमध्ये कथोरेंची महायुतीतच कोंडी?
photographers express displeasure over remarks made by dcm devendra fadnavis
अमरावती : देवेंद्र फडणवीस यांच्‍या ‘त्‍या’ वक्‍तव्‍यावर छायाचित्रकार नाराज, माफीची मागणी
Abhishek Ghosalkar, murder,
अभिषेक घोसाळकर हत्या प्रकरण : आरोपी अंगरक्षकाच्या सहभागाचा दावा संशयास्पद, सत्र न्यायालयाचे मत
ajit pawar suresh dhas
“…अन् मी कपाळावर हात मारला”, अजित पवारांनी सांगितला आमदार सुरेश धस यांच्या दुसऱ्या लग्नाचा किस्सा
jitendra awhad ajit pawar
“५० कोटी रुपये देऊन जनतेला विकत घ्याल ही अपेक्षा ठेवू नका”, आव्हाड यांची उपमुख्यमंत्री अजित पवार यांच्यावर टीका
chhagan bhujbal latest news
चंद्रकांत पाटलांच्या ‘त्या’ विधानावर छगन भुजबळांनी व्यक्त केली नाराजी; म्हणाले, “बोलताना जरा…”
naxal giridhar declare as bhagoda
“आत्मसमर्पित नक्षलवादी गिरीधर भगोडा”, नक्षलवाद्यांच्या पश्चिम सबझोनल ब्युरोचा प्रवक्ता श्रीनिवास याची आगपाखड

सचिन आणि सारा यांनी २००४ मध्ये लग्न केलं होतं. या लग्नाला दोघांनी खूप कमी लोकांना आमंत्रित केलं होतं. त्या काळात या लग्नाची देशभर खूप चर्चादेखील झाली होती. सचिन आणि सारा पायलट हे दोघेही विभक्त झाल्याची चर्चा यापूर्वीही झाली आहे. २०१४ मध्ये या दोघांनी घटस्फोट घेतल्याच्या चर्चा रंगल्या होत्या. परंतु, पायलट दाप्मत्याने या सर्व अफवा असल्याचं त्यावेळी म्हटलं होतं.

हे ही वाचा >> “राज्य पुरस्कृत हल्लेखोर तुमचा फोन हॅक…”, अ‍ॅपलकडून महुआ मोईत्रा, शशी थरूर यांना इशारा!

दरम्यान, या प्रतिज्ञापत्राद्वारे सचिन पायलट यांच्याकडे असणाऱ्या संपत्तीचाही खुलासा झाला आहे. सचिन पायलट यांनी आज दाखल केलेल्या प्रतिज्ञापत्रानुसार त्यांच्याकडे एकूण ७.५ कोटी रुपयांची संपत्ती आहे. २०१८ मध्ये त्यांनी दाखल केलेल्या प्रतिज्ञापत्रानुसार त्यांच्याकडे ३.८ कोटी रुपयांची संपत्ती होती. म्हणजेच पाच वर्षांत त्यांच्याकडची संपत्ती दुप्पट झाली आहे.