जेडन सँचोच्या पहिल्या हॅट्ट्रिकच्या जोरावर बोरुसिया डॉर्टमंडने बुंडेसलिगा फुटबॉलमध्ये पॅडेरबॉर्नवर ६-१ असा मोठा विजय मिळवला. या बरोबरच डॉर्टमंडने लीगमधील त्यांचे दुसरे स्थान राखले. गेल्या आठवडय़ात अव्वल स्थानावरील बायर्न म्युनिककडून डॉर्टमंडला पराभव पत्करावा लागला होता. मात्र पॅडेरबॉर्न या शेवटच्या स्थानी असलेल्या संघाविरुद्ध डॉर्टमंड सहज विजय मिळवणार हे अपेक्षित होते. इंग्लंडच्या २० वर्षीय सँचोने प्रभावी कामगिरी केली. डॉर्टमंडने या विजयासोबत ६० गुण मिळवले आहेत. अव्वल स्थानी असलेल्या बायर्न म्युनिकचे ६७ गुण आहेत. ला-लिगाच्या सर्व खेळाडूंचा सराव सुरू ला-लिगामधील सर्व क्लब्सच्या खेळाडूंनी सोमवारी सरावाला सुरुवात केली. ११ जूनपासून या स्पर्धेला पुन्हा प्रारंभ होणार आहे.
