टोकियो ऑलिम्पिकमध्ये भारतासाठी पदक जिंकणारे बजरंग पुनिया आणि रवी दहिया यांनी आगामी आंतरराष्ट्रीय स्पर्धांसाठीच्या निवड चाचणीमध्ये आपापले सामने गमावल्याने पॅरिस ऑलिम्पिक पात्रतेच्या शर्यतीतून बाहेर पडले आहेत. बजरंग पुनिया हा माजी WFI अध्यक्ष ब्रिजभूषण शरण सिंह यांच्या विरोधातील एक प्रमुख चेहरा होता. त्याला पुरुषांच्या फ्रीस्टाइल ६५ किलो गटाच्या उपांत्य फेरीत रोहित कुमारकडून १-९ असा पराभव पत्करावा लागला. याआधी त्याला रविंदरविरुद्ध मोठ्या प्रयत्नांनंतर विजय मिळवता आला. सामन्यात इशारा मिळाल्याने रविंदरने गुण गमावला नसता, तर पुनिया पहिल्याच सामन्यात बाद झाला असता.

बजरंग पुनियाने रागाच्या भरात भारतीय क्रीडा प्राधिकरण (साई) केंद्र सोडले. चाचणीच्या तयारीसाठी पुनियाने रशियात प्रशिक्षण घेतले होते. पुनियाने दिल्ली उच्च न्यायालयात दावा जिंकला की निलंबित कुस्ती महासंघाला (WFI) चाचणी घेण्याचा अधिकार नाही.

Iga Schwiotek continues his dominance as he advances to the French Open sport
श्वीऑटेकचे वर्चस्व कायम; कोकोला नमवत फ्रेंच स्पर्धेच्या अंतिम फेरीत
India vs Ireland match Twenty20 World Cup Cricket Indian Team sport news
विश्वचषक मोहिमेस प्रारंभ! भारताची आज आयर्लंडशी सलामी; रोहित-कोहली जोडीकडे लक्ष
Alcaraz Tsitsipas advances to men singles quarterfinals at 9th French Open sport news
अल्कराझ, त्सित्सिपास उपांत्यपूर्व फेरीत; महिला एकेरीत श्वीऑटेक, गॉफचीही आगेकूच
Lookman hat trick in Europa League football final sport news
लेव्हरकूसेनचे अपराजित्व संपवत अटलांटा अजिंक्य; युरोपा लीग फुटबॉलच्या अंतिम लढतीत लुकमनची हॅट्ट्रिक
pv sindhu
मलेशिया मास्टर्स बॅडमिंटन स्पर्धा: सिंधू उपांत्यपूर्व फेरीत; अश्मिताचा तिसऱ्या मानांकित झँगला धक्का
P v Sindhu winning debut at Malaysia Masters sport news
मलेशिया मास्टर्स स्पर्धेत सिंधूची विजयी सलामी
India Satviksairaj Rankireddy and Chirag Shetty defeat China Chen Bo Yang and Liu Yi to win Thailand Open Badminton Championship sport news
थायलंड खुली बॅडमिंटन स्पर्धा : सात्त्विक-चिरागला विजेतेपद
Bundesliga Football Championship Historic performance by undefeated Leverkusen sport news
बुंडसलिगा फुटबॉल स्पर्धा: अपराजित लेव्हरकूसेनची ऐतिहासिक कामगिरी

टोकियो रौप्यपदक विजेता रवी दहिया आणि स्टार-इन-द-मेकिंग अमन सेहरावत हे दोघेही स्पर्धक असल्याने पुरुषांच्या ५७ किलो वजनी गट नेहमीच आव्हानात्मक राहिला आहे. दुखापतीतून पुनरागमन करणाऱ्या दहियाला सलामीच्या लढतीत अमनकडून १३-१४ असा पराभव पत्करावा लागला. दोघेही छत्रसाल स्टेडियममध्ये प्रशिक्षण घेतात. अमनने २०२३ मध्ये जवळपास सर्वच स्पर्धांमध्ये पदके जिंकून आपल्या नावाचा दबदबा निर्माण केला आहे. या चाचण्या भारतीय ऑलिम्पिक असोसिएशन (IOA) च्या तदर्थ पॅनेलद्वारे आयोजित केल्या आहेत.

आशियाई क्रीडा स्पर्धेतील कांस्यपदक विजेत्या अमनने शेवटच्या क्षणी दहियाचे दडपण मोडून काढत निकराचा लढा देत सामना जिंकला. दहिया पुढील चढाईत अंडर-२० आशियाई चॅम्पियन उदितकडून पराभूत झाला आणि तो बाहेर पडला. चाचण्यांमधील विजेत्यांना आशियाई आणि जागतिक ऑलिम्पिक पात्रता स्पर्धेत भाग घेण्याची संधी मिळेल. अंतिम पंघलच्या (महिला ५३ किलो)रूपात भारताने पॅरिस गेम्ससाठी आतापर्यंत फक्त एक कोटा मिळवला आहे.