भारतीय संघ यंदाच्या डेव्हिस चषक टेनिस स्पर्धेत चांगले यश मिळवील, मात्र संघ निवड प्रक्रियेत मला सहभागी करून घेण्याची गरज आहे, असे भारतीय संघाचे न खेळणारे कर्णधार व ज्येष्ठ डेव्हिसपटू आनंद अमृतराज यांनी सांगितले. अमृतराज यांनी नव्यानेच न खेळणारे कर्णधार म्हणून जबाबदारी स्वीकारली आहे. गतवर्षी भारतीय संघातील खेळाडूंनी संघाचे न खेळणारे कर्णधार एस. पी. मिश्रा यांना डच्चू द्यावा अशी मागणी केली होती. तसेच खेळाडूंच्या सहाय्यकांमध्येही बदल करावा अशी मागणी केली होती.
