बेंगळूरुच्या गुरकीरत सिंग मानचे प्रतिपादन गतवर्षी आयपीएलमध्ये खेळायला मिळाले नव्हते. त्यामुळे यंदा संधी मिळाल्यापासून संघाला विजय मिळवून देणारी खेळी करण्याचा निर्धार केला होता. त्यानुसार हैदराबादविरुद्ध मिळालेल्या संधीचे सोने करण्यात यशस्वी झाल्याचे रॉयल चॅलेंजर्स बेंगळूरुचा फलंदाज गुरकीरत सिंग मान याने सांगितले. यंदाच्या मोसमात केवळ तिसरा सामना खेळणाऱ्या गुरकिरतने ४८ चेंडूंत ६५ धावा फटकावल्या होत्या. त्यामुळे शिमरॉन हेटमायरसोबत दमदार भागीदारी रचत बेंगळूरुला विजय मिळवून देण्यात त्याने मोलाची कामगिरी बजावली. ‘‘मी तब्बल दोन वर्षांनंतर आयपीएलमध्ये खेळलो. त्यामुळे दबावापेक्षाही संधी मिळण्याची मी वाट पाहात होतो. ती संधी मिळाली आणि मी संघाला विजय मिळवून देण्यात यशस्वी झालो,’’ असे गुरकीरतने नमूद केले.
