Premium

IND vs SL: भारत करणार श्रीलंकेचा दौरा, वन डे आणि टी-२० मालिकेत होणार सहभागी; जाणून घ्या संपूर्ण कार्यक्रम

IND vs SL: पुढील वर्षी टी-२० विश्वचषकानंतर भारत जुलैमध्ये श्रीलंकेचा दौरा करणार असल्याचे श्रीलंका क्रिकेटने बुधवारी जाहीर केले. आयसीसीने श्रीलंकन क्रिकेट बोर्डाला निलंबित केल्यानंतरही टीम इंडिया हा दौरा करणार आहे.

IND vs SL: Team India will tour Sri Lanka banned by ICC but BCCI will participate in T20 and ODI series
भारत जुलैमध्ये श्रीलंकेचा दौरा करणार असल्याचे श्रीलंका क्रिकेटने बुधवारी जाहीर केले. सौजन्य- (ट्वीटर)

India tour of Sri Lanka: भारतीय क्रिकेट संघ पुढील वर्षी श्रीलंकेचा दौरा करणार आहे. श्रीलंका क्रिकेट बोर्डाने जारी केलेल्या क्रिकेट कॅलेंडरमधून ही बाब समोर आली आहे. भारतीय संघ तेथे तीन टी-२० आणि तीन एकदिवसीय सामन्यांची मालिका खेळणार आहे. संकटाचा सामना करत असलेल्या श्रीलंका क्रिकेटला (SLC) याचा मोठा फायदा होऊ शकतो. आयसीसीने याच महिन्यात श्रीलंकेवर बंदी घातली होती. मात्र, ते द्विपक्षीय मालिकेत भाग घेऊ शकतात.

या बातमीसह सर्व प्रीमियम कंटेंट वाचण्यासाठी साइन-इन करा

श्रीलंका क्रिकेटने बुधवारी जाहीर केले की, भारत पुढील वर्षी टी-२० विश्वचषकानंतर जुलै २०२४ मध्ये ३ वन डे आणि ३ टी-२० मालिकेसाठी श्रीलंकेचा दौरा करेन. आयसीसीने याच महिन्यात श्रीलंकन क्रिकेट बोर्डावर बंदी घातली होती. मात्र, ते द्विपक्षीय मालिकेत भाग घेऊ शकतात, ज्याचा संघाला फायदा होईल. टीम इंडिया सध्या ऑस्ट्रेलियाविरुद्ध पाच सामन्यांची टी-२० मालिका खेळत आहे, त्यात ते २-१ने सध्या पुढे आहेत. मालिकेत दोन सामने अजून बाकी आहेत. या मालिकेत सूर्यकुमार यादव संघाचे नेतृत्व करत आहे.

क्रिकेटमध्ये सरकारी हस्तक्षेपामुळे श्रीलंकेवर आयसीसीने बंदी घातली आहे. त्यामुळे अंडर-१९ विश्वचषक स्पर्धेचे यजमानपदही त्यांच्याकडून काढून घेण्यात आले आहे. आता ही स्पर्धा दक्षिण आफ्रिकेत होणार आहे. बंदी असूनही, श्रीलंकेच्या राष्ट्रीय संघांना (पुरुष आणि महिला) त्यांच्या द्विपक्षीय मालिका खेळण्यास आयसीसीने परवानगी दिली आहे. श्रीलंका क्रिकेटने जाहीर केलेल्या २०२४ कॅलेंडरनुसार, भारत जुलै-ऑगस्ट दरम्यान एकदिवसीय आणि टी-२० मालिकेसाठी श्रीलंकेत जाणार आहे. विशेष म्हणजे, श्रीलंकेचा माजी अर्जुन रणतुंगाने बीसीसीआयचे सचिव जय शाह यांच्यावर, “तेच श्रीलंकन क्रिकेट चालवतात, सगळे निर्णय तेच घेतात” असा आरोप केल्यानंतरही भारतीय संघ श्रीलंकेचा दौरा करणार आहे.

हेही वाचा: IND vs AUS: टी-२०मध्ये प्रसिध कृष्णाच्या नावावर झाला नकोसा विक्रम, पुढच्या सामन्यात संधी मिळणार का? जाणून घ्या

श्रीलंका इंग्लंड आणि दक्षिण आफ्रिकेविरुद्धही खेळणार आहे

श्रीलंकेच्या पुरुष संघाला २०२४ मध्ये ५२ आंतरराष्ट्रीय सामने खेळायचे आहेत. या कालावधीत संघ १० कसोटी, २१ एकदिवसीय आणि २१ टी-२० सामने खेळणार आहे. यामध्ये श्रीलंका संघ टी-२० विश्वचषकादरम्यान खेळणार असलेल्या सामन्यांचा समावेश नाही. भारताव्यतिरिक्त श्रीलंकेलाही इंग्लंड दौऱ्यावर तीन कसोटी सामन्यांची मालिका खेळायची आहे. ही मालिका जागतिक कसोटी चॅम्पियनशिपचा भाग असेल. इंग्लंडनंतर हा संघ नोव्हेंबरमध्ये दक्षिण आफ्रिकेविरुद्ध दोन कसोटी सामन्यांची मालिकाही खेळणार आहे. याबाबतची संपूर्ण माहिती श्रीलंका क्रिकेट बोर्डाने त्याच्या ट्वीटर वर ट्वीट करून दिली आहे.

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Indias tour of sri lanka after t20 world cup three odis and three t20s will be played know the complete program avw

First published on: 29-11-2023 at 17:32 IST
Next Story
IND vs AUS: टी-२०मध्ये प्रसिध कृष्णाच्या नावावर झाला नकोसा विक्रम, पुढच्या सामन्यात संधी मिळणार का? जाणून घ्या