आयपीएलमध्ये शुक्रवारी डेव्हिड मिलरने किंग्ज इलेव्हन पंजाबच्या विजयात महत्त्वाची भूमिका निभावली. ग्लेन मॅक्सवेल आणि ख्रिस गेल या ट्वेन्टी-२०मधील तडाखेबंद फलंदाजांमधील द्वंद्व पाहण्यासाठी जमलेल्या क्रिकेटचाहत्यांना मिलरने वेगवान खेळीची खमंग मेजवानी दिली. मिलरच्या २९ चेंडूंतील ८ चौकार आणि ३ षटकारांसह ६६ धावांच्या खेळीच्या जोरावर किंग्ज इलेव्हन पंजाबने रॉयल चॅलेंजर्स बंगळुरूवर ३२ धावांनी मात केली. बंगळुरूने १६६ धावा केल्या. ए बी डी’व्हिलियर्सने एकाकी झुंज देत सर्वाधिक ५३ धावा केल्या.संक्षिप्त धावफलक किंग्ज इलेव्हन पंजाब : २० षटकांत ८ बाद १९८ (डेव्हिड मिलर ६६, वीरेंद्र सेहवाग ३०; युझवेंद्र चहल २/२३) विजयी विरुद्ध रॉयल चॅलेंजर्स बंगळुरू : ९ बाद १६६ (ए बी डी’व्हिलियर्स ५३; संदीप शर्मा ३/२५) सामनावीर : संदीप शर्मा.
