Premium

MS Dhoni: महेंद्रसिंग धोनीने टेनिस कोर्टवर दाखवली आपली जादू , केली जोरदार फटकेबाजी, पाहा VIDEO

MS Dhoni Playing Tennis Video: हा व्हिडिओ पाहिल्यानंतर चाहतेही धोनीच्या फिटनेसचे कौतुक करत आहेत. काही दिवसांपूर्वी धोनीचा एक व्हिडिओ समोर आला होता, ज्यामध्ये तो जिममध्ये खूप मेहनत करताना दिसला होता.

Mahendra Singh Dhoni Fitness Appreciated By Fans
एमएस धोनी टेनिस खेळताना (फोटो-लोकसत्ता ग्राफिक्स टीम)

Mahendra Singh Dhoni Tennis Court Video: भारताचा महान कर्णधार आणि यष्टिरक्षक-फलंदाज एमएस धोनीने टेनिस कोर्टवर आपली क्षमता दाखवली आहे. सोशल मीडियावर व्हायरल होत असलेल्या व्हिडीओमध्ये धोनी टेनिस खेळताना दिसत आहे. त्याच्या चाहत्यांना हा व्हिडीओ खूप आवडला आहे. काही चाहत्यांनी धोनीच्या टेनिस खेळण्याच्या शैलीचे कौतुक केले. त्याचवेळी काही चाहत्यांनी त्याच्या फिटनेसचे कौतुक केले.
महेंद्रसिंग धोनी महान क्रिकेटपटूंपैकी एक आहे. आंतरराष्ट्रीय क्रिकेटमधून निवृत्ती घेतल्यानंतर, त्याची आयपीएल कारकीर्द देखील शेवटच्या टप्प्यावर आहे, परंतु त्याला टेनिस देखील खूप आवडते आणि तो मनोरंजनासाठी हा खेळ खेळतो.

या बातमीसह सर्व प्रीमियम कंटेंट वाचण्यासाठी साइन-इन करा

माहीने टेनिस खेळण्याचा घेतला आनंद –

भारताचा माजी कर्णधार एमएस धोनी आगामी पिढीच्या क्रिकेटपटूंना प्रेरणा देत राहील. एक खेळाडू आणि कर्णधार म्हणून जवळजवळ सर्व काही साध्य केल्यानंतर ऑगस्ट २०२० मध्ये आंतरराष्ट्रीय क्रिकेटमधून निवृत्त झालेला धोनी मैदानावर आणि मैदानाबाहेर एक प्रभावी व्यक्तिमत्त्व आहे. ४२ वर्षीय धोनी हा भारताचा आतापर्यंतचा सर्वात महान कर्णधार आहे, ज्याने संघाला तीन मोठे आयसीसी चषक मिळवून दिले आहेत. त्यांच्या नेतृत्वाखाली भारताने २००७ टी-२० विश्वचषक, २०११ एकदिवसीय विश्वचषक आणि २०१३ चॅम्पियन्स ट्रॉफी जिंकली.

धोनीने एकूण ३३२ सामन्यांमध्ये भारताचे नेतृत्व केले, जे आंतरराष्ट्रीय क्रिकेटमधील कोणत्याही कर्णधारापेक्षा सर्वाधिक आहे. त्यापैकी भारताने १७८ जिंकले, १२० गमावले, ६ बरोबरीत राहिले आणि १५ सामन्यांचा निकाल लागला नाही. कर्णधार म्हणून त्याची विजयाची टक्केवारी ५३.६१ आहे. त्याने जिंकलेल्या ट्रॉफींसह एकत्रितपणे तो भारताचा आतापर्यंतचा सर्वात यशस्वी कर्णधार ठरला आहे. या ३३२ सामन्यांमध्ये त्याने ४६.८९ च्या सरासरीने आणि ७६ च्या स्ट्राईक रेटने ११,२०७ धावा केल्या. कर्णधार म्हणून त्याने ११ शतके आणि ७१ अर्धशतके झळकावली, ज्यात त्याची सर्वोत्तम धावसंख्या २२४ आहे.

हेही वाचा – MS Dhoni: ‘माही भाई आय लव्ह यू’, चाहत्याच्या या हाकेला महेंद्रसिंग धोनी काय दिले उत्तर? पाहा VIDEO

आंतरराष्ट्रीय स्तरावरील त्याच्या यशाचा परिणाम फ्रँचायझी क्रिकेटवरही झाला. त्याने इंडियन प्रीमियर लीग (आयपीएल) मध्ये चेन्नई सुपर किंग्ज (सीएसके) आणि रायझिंग पुणे सुपरजायंट (आरपीजी) चे प्रतिनिधित्व आणि नेतृत्व केले. धोनीने २०१०, २०११, २०१८, २०२१ आणि २०२३ मध्ये सीएसकेला पाच आयपीएल खिताब जिंकून दिले. त्याने २०१० आणि २०१४ मध्ये सीएसकेला दोन चॅम्पियन्स लीग टी-२० विजेतेपदही पटकावून दिले.

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Mahendra singh dhoni playing tennis video viral on social media vbm

First published on: 01-10-2023 at 10:20 IST
Next Story
MS Dhoni: ‘माही भाई आय लव्ह यू’, चाहत्याच्या या हाकेला महेंद्रसिंग धोनी काय दिले उत्तर? पाहा VIDEO