scorecardresearch

Premium

भांडी आवडली म्हणून उगाच पैसे खर्च करू नका; स्वयंपाक घरातील वस्तू घेण्याआधी ‘या’ पाच टिप्स पाहा

कधीकधी आपल्याला वस्तू दिसायला आवडते म्हणून ती खरेदी केली जाते, परंतु त्याचा फारसा उपयोग होत नाही. अशी चूक होऊ नये यासाठी वस्तू, विशेषतः भांडीकुंडी घेताना या महत्वाच्या टिप्स लक्षात ठेवा.

shop kitchen utensils smartly with this 5 tips
स्वयंपाकघरातील भांड्यांची खरेदी करतांना या टिप्स लक्षात ठेवा. [photo credit – Freepik]

सकाळच्या पहिल्या चहापासून ते रात्रीच्या जेवणापर्यंत आपण किती वेळ स्वयंपाक घरात घालवतो हे कधी लक्षातच येत नाही. एखादा पदार्थ बनवताना ज्या भांड्यात तुम्ही तो बनवत आहात, ते जर जुने झाले असेल किंवा चांगल्या प्रतीचे नसेल तर गरजेपेक्षा जास्तवेळ आपल्याला काम करावे लागते. उदाहरण द्यायचे झाले तर तवा किंवा पातेलं घ्या. जर या वस्तूंचा वापर सतत होत असेल तर हळूहळू ती वस्तू जुनी होऊन, खराब होण्यास सुरुवात होते. त्यावर पदार्थ चिकटून बसण्यास सुरुवात होते. अशी काही भांडी, पातेली, तवे जर तुमच्या घरात असतील तर त्यांना बदलण्याची गरज आहे.

एखादे भांडे जुने झाल्यानंतर ते लवकरात लवकर बदलणे गरजेचे असते. नवीन भांडी घेताना कायम चांगल्या गुणवत्तेचीच घ्यायला हवी. परंतु, नवीन वस्तू विकत घेताना आपण त्यांची किंमत बघून लहान लहान चुका करत असतो. अशा चुका टाळण्यासाठी काही अतिशय सोप्या अशा टिप्स तुम्हाला माहीत असणे गरजेचे आहे. त्या कोणत्या ते पाहा.

Is eating poha better than idli for breakfast
Poha Or Idli : नाश्त्यात पोह्यापेक्षा इडली खाणे चांगले? मधुमेहाच्या रुग्णांसाठी कोणता नाश्ता चांगला? वाचा, तज्ज्ञ काय सांगतात….
How to use urad or black gram in food in cold weather
Health Special: थंडीत उडदाचा वापर जेवणात कसा करावा?
how to make kajal at home hack
Beauty tips : तूप, बदाम अन्….; काय आहे घरगुती काजळ बनवण्याची पारंपरिक ट्रिक, जाणून घ्या
Watching TV While Eating
जेवताना टीव्ही पाहता का? लगेच थांबवा; तज्ज्ञांनी सांगितलेले दुष्परिणाम जाणून घ्या

चांगल्या प्रतीची भांडी घेणे आवश्यक का असते?

बाजारात गेल्यानंतर आपल्याला बऱ्याच प्रकारची, पद्धतींची, आकार आणि रंगांची भांडी पाहायला मिळतात. यामध्ये प्रत्येकाची गुणवत्तादेखील वेगवेगळी असते. आता महाग आणि खूपच चांगली गुणवत्ता असणाऱ्या वस्तू घेणे प्रत्येकाला जमेलच असे नाही. तरीही, किमान थोडी चांगली गुणवत्ता असणे गरजेचे असते. पण, असे का? कारण – भांड्यांचा दर्जा चांगला असल्यास त्यामध्ये स्वयंपाक करणे सोईचे होते, वेळ वाचतो, वस्तू जास्तकाळ टिकते. या सर्वांसोबतच चांगल्या गुणवत्तेची भांडी आरोग्याच्या दृष्टीनेदेखील फायदेशीर असतात. “उत्तम गुणवत्तेच्या भांड्यांचा वापर केल्यास, ती अन्नपदार्थांवर कोणताही विपरीत परिणाम करत नाही. त्यामुळे अशा वस्तूंचा वापर आरोग्याच्या दृष्टीने फायद्याचा असतो”, असे आहारतज्ज्ञ रिचा गंगाणी [Nutritionist Richa Gangani] म्हणतात.

हेही वाचा : या पाच सोप्या हॅक्स ठेवतील इडली पात्र चकचकीत; पाहा भांड्यांना मिनिटांत स्वच्छ करतील या टिप्स…

भांडी जुनी झाली असतील किंवा नवीन घ्यायची असल्यास या पाच गोष्टी लक्षात ठेवण्याची गरज आहे, पाहा.

१. बजेट

बाजारामध्ये अनेक प्रकारची भांडी मिळतात. परंतु, त्यापैकी आपल्याला परवडणारी आणि उपयोगी असणारी भांडी निवडणे गरजेचे असते. त्यामुळे बाजारात जायच्या आधी आपल्या खर्चाचे नियोजन करावे. त्यासोबतच विकत घेण्याच्या वस्तूची गुणवत्ता, उपयुक्तता तपासून पाहावी.

२. टिकाऊपणा

एखादी वस्तू विकत घेतल्यानंतर जर दोन-तीन महिन्यातच ती खराब झाली तर त्या खरेदीचा काहीच फायदा होत नाही. त्यामुळे भांडी खरेदी करताना ते किती काळ टिकू शकते याचा अंदाज घेऊन मगच विकत घ्यावे. यासाठी स्टेनलेस स्टील किंवा लोखंडी भांडी [कास्ट आयर्न] हा एक चांगला पर्याय आहे.

३. उपयुक्तता

पदार्थ तळण्यासाठी, भाजण्यासाठी, एखादी भाजी बनवण्यासाठी किंवा भाकऱ्या शेकण्यासाठी वेगवेगळ्या प्रकारच्या भांड्यांची आवश्यकता असते. अशावेळेस तुम्हाला नेमके कोणते भांडे हवे आहे ते ठरवा आणि त्यानुसारच वस्तू निवडा.

४. मटेरियल

बाजारात काच, लाकूड, स्टील, सिरॅमिक, मातीची, लोखंडाची अशा वेगवेगळ्या घटकांपासून/मटेरियल्सपासून बनवलेली भांडी विक्रीसाठी उपलब्ध असतात. एवढी सर्व भांडी बघून, वस्तू काचेची घ्यावी की स्टीलची असा संभ्रम एखाद्याला पडणे सहाजिकच आहे. परंतु, गोंधळून जाऊ नका. प्रत्येक वस्तूचा नीट विचार करा. तुम्हाला कोणत्या मटेरियलचा सर्वात जास्त उपयोग आणि फायदा होऊ शकतो ते ठरवून मगच वस्तू खरेदी करा.

५. उष्णता झेलू शकणारी भांडी

एखाद्या पातेल्यात, पॅनमध्ये पदार्थ शिजवण्यासाठी ठेवला; परंतु ते पटपट शिजत नसल्यास, उष्णता किंवा तापमान समान पद्धतीने पातेल्यामध्ये पसरत नाही असा त्याचा अर्थ होऊ शकतो. त्यामुळे उष्णता व्यवस्थित झेलू शकणारी किंवा पदार्थ शिजत असताना भांड्यामध्ये तापमान एकसमान राहू शकेल अशा वस्तूंची निवड करावी. यामुळे अन्नपदार्थ कमी वेळात आणि व्यवस्थित शिजतील.

Latest Comment
View All Comments
Post Comment

मराठीतील सर्व लाइफस्टाइल बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Dont make silly mistakes buying kitchen utensils shop smartly with these 5 tips dha

First published on: 07-12-2023 at 14:15 IST

संबंधित बातम्या

तुम्ही या बातम्या वाचल्या आहेत का? ×