Samsung कंपनीने गेल्या महिन्यातच आपला Galaxy M40 हा नवा स्मार्टफोन अधिकृतपणे भारतात लाँच केला होता. आता कंपनीने हा स्मार्टफोन कॉकटेल ऑरेंज या अतिशय आकर्षक अशा नव्या रंगात लाँच केला आहे. यापूर्वी मिडनाईट ब्ल्यू आणि सी वॉटर ब्ल्यू या दोन रंगाच्या पर्यायांमध्येच हा फोन उपलब्ध होता. सध्या सुरू असलेल्या 'अॅमेझॉन प्राईम डे' सेलमध्ये हा फोन विक्रीसाठी उपलब्ध करण्यात आले आहे. याचे 6 जीबी रॅम+128 जीबी स्टोरेज असलेलं व्हेरिअंट 19,990 रूपयात उपलब्ध करण्यात आले आहे. यासोबत सेलमध्ये खरेदी केल्यास कंपनीने नो-कॉस्ट इएमआयची सुविधा दिली आहे. तसंच एचडीएफसी बँकेच्या क्रेडीट किंवा डेबीट कार्डवरून खरेदी केल्यास 10 टक्के सवलतदेखील मिळणार आहे. या स्मार्टफोनमध्ये फुल-एचडी+ इनफिनिटी ओ डिस्प्ले आणि ट्रिपल रिअर कॅमेरा सेटअप देण्यात आला आहे. यातील एक कॅमेरा 32 MP, दुसरा कॅमेरा 5MP आणि अल्ट्रा-वाइड-एंगल लेंस असलेला 8MP चा तिसरा कॅमेरा आहे. कॅमेऱ्यामध्ये 4K रेकॉर्डिंग, स्लो-मोशन आणि हायपरलॅप्सचा सपोर्ट देखील आहे. सेल्फीसाठी या स्मार्टफोनमध्ये 16 मेगापिक्सलचा फ्रंट कॅमेरा आहे. Galaxy M40 ची इंटर्नल मेमरी 128GB असून मेमरी कार्डद्वारे 512GB पर्यंत वाढवता येणं शक्य आहे. कनेक्टिव्हिटीसाठी यामध्ये 4G VoLTE, Wi-Fi, ब्ल्यु-टूथ, GPS/ A-GPS आणि USB टाइप-C सपोर्ट आहे. ऑक्टा-कोर स्नॅपड्रॅगन 675 प्रोसेसर आहे. फिंगरप्रिंट स्कॅनर फोनच्या मागील बाजूला देण्यात आलं आहे. यामध्ये 3,500mAh ची बॅटरी आहे, फास्ट चार्जिंगसाठी यामध्ये 15W फास्ट-चार्जिंगचा सपोर्ट आहे. Galaxy M40 ची भारतीय बाजारात Realme आणि Xiaomi यांसारख्या कंपन्यांशी स्पर्धा असणार आहे. यात ‘स्क्रीन साउंड’ तंत्रज्ञान आहे. स्क्रीन साउंड तंत्रज्ञान असणारा हा या मालिकेतील पहिलाच स्मार्टफोन आहे.
