Health Benefits Of Onions : जगभरातील बऱ्याच खाद्यपदार्थांमध्ये कांद्याचा वापर केला जातो. त्यामुळे कांदा हा आहारातील मुख्य पदार्थांतील पूरक घटकांपैकी एक मानला जातो. अगदी बर्गरपासून ते भारतात वाटणाची भाजी बनविण्यापर्यंत कांद्याचा वापर केला जातो. कांद्यामुळे पदार्थाला एक वेगळी चव येते. पण, अनेकांना त्याची चव आवडत नाही किंवा कच्चा कांदा नुसताच खाल्ला, तर तोंडाला वास येत असल्याने कांदा तसा खाणे टाळले जाते. अशा परिस्थितीत लोकांनी जर आहारात महिनाभर कांदा न वापरण्याचा विचार केला, तर शरीरात काय बदल होतील याचा कधी विचार केला आहे का? त्यावर इंद्रप्रस्थ अपोलो हॉस्पिटल्समधील ज्येष्ठ आहारतज्ज्ञ स्वाती यांनी द इंडियन एक्स्प्रेसशी बोलताना कांदा खाण्याचे फायदे काय आहेत याविषयी माहिती दिली आहे

पौष्टिक घटकांचा मुख्य स्रोत

आहारतज्ज्ञ स्वाती यांच्या मते, कांद्यामध्ये अनेक जीवनावश्यक पौष्टिक घटक आहेत. कांद्यातील जीवनसत्त्वे, खनिजे, अँटिऑक्सिडंट्स घटक आहेत जे तुमच्या शरीराला निरोगी ठेवण्यासाठी महत्वाची भूमिका बजावतात.

Black Salt Water Benefits
तुमचेही केस खूप गळतात का? काळ्या मिठाचं पाणी प्या अन् फरक बघा; जाणून घ्या योग्य पद्धत
ginger health benefits
तुम्ही रोज रिकाम्या पोटी आल्याचा तुकडा चघळल्याने तुमच्या शरीरावर काय परिणाम होईल? डॉक्टरांकडून जाणून घ्या…
why should drink water in earthen pot in summe
उन्हाळ्यात माठातील पाणी का प्यावे? जाणून घ्या, मातीच्या मडक्यातील पाणी पिण्याचे फायदे
Why you should take shorter showers during a heatwave
उन्हाळ्यात घरी आल्या आल्या लगेच अंघोळ करता? थांबा! डॉक्टरांनी सांगितलेला धोका अन् अंघोळीची योग्य वेळ जाणून घ्या
Three Key Rules To Loose 6 Percent Fats In a Month
६ टक्के बॉडी फॅट्स एका महिन्यात कमी करण्यासाठी ‘या’ तीन गोष्टी पाळाच; वजन कमी करण्यासाठी झोप व आहाराचे नियम पाहा
How Much Rice & Roti You Should Eat In a Day
एका वेळच्या जेवणात भात व पोळ्यांचे आदर्श प्रमाण किती हवे? ताटात कुठल्या गोष्टी किती टक्के हव्यात? तज्ज्ञांनी दिलं सूत्र
Why Should you soak rice before cooking Does it help reduce blood sugar
भात करण्याआधी तांदूळ भिजवण्याचे फायदे वाचून व्हाल खुश; डॉक्टर सांगतायत, तांदूळ किती वेळ पाण्यात ठेवावा?
Benefits Of Adding Jaswandi Petals In Tea Can gudhal Phool Help Reduce Blood Sugar
चहात ‘या’ फुलाच्या पाकळ्या घातल्याने डायबिटीस कमी करण्याचा मार्ग होईल सोपा? तज्ज्ञांनी सांगितलं किती हवं प्रमाण?

१) जीवनसत्त्वांची ताकद

कांदा हा जीवनसत्त्व क, ब६ व फोलेटचा उत्तम स्रोत आहे. त्यामुळे रोगप्रतिकारशक्ती वाढते. तसेच पेशींची वाढ आणि चयापचय क्रियेसाठीही महत्त्वपूर्ण मानले जाते.

२) अँटिऑक्सिडंट्स घटक

कांद्यामध्ये ॲलील प्रोपिल डायसल्फाइड यांसारखे शक्तिशाली अँटिऑक्सिडंट्स घटक असतात; तसेच दाहकविरोधी आणि कर्करोगविरोधी गुणधर्म असतात.

३) फायबर फेअरवेल

कांदा हा आहारातील फायबरचा चांगला स्रोत आहे; जो निरोगी पचनसंस्थेसाठी आवश्यक आहे. त्यामुळे कांदे सेवन न केल्यास फायबरचे प्रमाण कमी होते आणि त्यामुळे बद्धकोष्ठता किंवा इतर पचनाशी संबंधित समस्या उदभवू शकतात.

४) कमी दाहक शक्ती

कांद्यामध्ये अॅलिसिन व क्वेर्सेटिन असते; ज्यात दाहकविरोधी आणि अँटीऑक्सिडंट्स गुणधर्म आहेत. या संयुगाशिवाय तुमचे शरीर जळजळ आणि ऑक्सिडेटिव्ह तणावासाठी अधिक संवेदनक्षम असू शकते; ज्यामुळे कालांतराने जुनाट आजारांचा धोका वाढू शकतो. पण IBS किंवा GERD असलेल्या काही लोकांना संभाव्य पचन अस्वस्थतेमुळे कांदा खाणे टाळावे.

महिनाभर कांदा न खाल्ल्यास काय होईल?

महिनाभर कांदा न खाल्ल्यास तुमच्या शरीरात फार मोठे बदल होत नाहीत. फक्त काही सूक्ष्म बदल होऊ शकतात, असे आहारतज्ज्ञ स्वाती म्हणाल्या.

कांदा खाण्याचे तोटे

कांदा हा आवश्यक पोषक घटकांचा खजिना आहे आणि तो तुमच्या आहारातून काढून टाकल्याने काही पोषक घटकांची कमतरता निर्माण होऊ शकते. खासकरून तुमच्याकडे कांद्याला काही पर्याय नाही, असे आहारतज्ज्ञ स्वाती म्हणाल्या.

कांदा न खाल्ल्यास मँगनीज व पोटॅशियम यांसारख्या खनिजांसह जीवनसत्त्वे क, बी६ आणि फोलेटची कमतरता होऊ शकते. स्वाती म्हणाल्या की, याचे नकारात्मक परिणाम होऊ शकतात; जसे की, रोगप्रतिकार शक्ती कमकुवत होते, थकवा वाढतो आणि रक्त गोठणे व लाल रक्तपेशींत समस्या निर्माण होण्याची शक्यता असते.

कांदा हा तुमच्या आहारातील एक आरोग्यदायी घटक आहे. तो आहारातून पूर्णपणे काढून टाकल्यास शरीरातील महत्त्वाचे पोषक घटक कमी होतात आणि आहारातील विविधता कमी होऊ शकते.

स्वाती यांनी सल्ला दिला की, बहुतेक लोकांना आहारात कांद्याचा समावेश करणे ही बाब तोट्यापेक्षा जास्त फायदेशीर आहे. पचनाच्या समस्यांमुळे तुमच्या आहारात त्याचा समावेश करण्याबाबत तुम्हाला चिंता असल्यास तुम्ही आहारतज्ज्ञांचा सल्ला घेऊ शकता.