23 September 2020

News Flash

महाविद्यालयीन विद्यार्थ्यांची किरकोळ कारणावरूनआत्महत्या

महाविद्यालयीन विद्यार्थ्यांने मुळा नदीपात्रात पाण्यात उडी घेऊ न आत्महत्या केली.

(सांकेतिक छायाचित्र)

श्रीरामपूर : घरातील किरकोळ वादातून कोंढवड ( ता. राहुरी ) येथील शुभम किशोर बनसोडे ( वय २० ) या महाविद्यालयीन विद्यार्थ्यांने मुळा नदीपात्रात पाण्यात उडी घेऊ न आत्महत्या केली.

शुभम किशोर बनसोडे हा मूळचा  सलाबतपूर (ता. नेवासा)  येथील असून, वडील वारल्यानंतर तो आई व बहिणीसह मामाच्या घरी शेजवळ कुटुंबात कोंढवड (ता. राहुरी) येथे राहत होता. तो राहुरी महाविद्यालयात वाणिज्य शाखेत  प्रथम वर्षांत शिक्षण घेत होता. परीक्षा फी भरण्यासाठी त्याने घरातून पैसे घेतले होते. परंतु गणेशोत्सव काळात तो महाविद्यालयात गेला नाही. दरम्यान, परीक्षा फी भरण्याची विहित मुदत संपल्याने, दंडाच्या रकमेसह त्याला परीक्षा फी भरावी लागली. त्यामुळे घरात किरकोळ वाद झाला होता. रागाच्या भरात तो सोमवारी दि. १६ रोजी  घरातून निघून गेला होता. तेंव्हापासून त्याचा शोध सुरु होता.

आज सकाळी साडेसहा वाजता शुभमचा मृतदेह मुळा नदीत पाण्यावर तरंगताना आढळला. पोलीस पाटील सदाशिव तागड यांनी राहुरी पोलीस ठाण्यात खबर दिली. घटनास्थळी तलाठी वर्षां कातोरे, पोलीस कर्मचारी  सोमनाथ जायभाये व आदिनाथ पारखी यांनी पंचनामा केला. राहुरी पोलीस ठाण्यात या संदर्भात अकस्मात मृत्यूची नोंद करण्यात आली आहे. किरकोळ कारणावरून शुभम याने जीवनयात्रा संपविल्याने हळहळ व्यक्त करण्यात येत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 19, 2019 2:58 am

Web Title: college students commit suicide due to minor reasons zws 70
Next Stories
1 दुष्काळी सोलापुरात तासाभरात दमदार ५८ मिमी पाऊस
2 सांगलीत अंमलीपदार्थ निर्मितीचा कारखाना उद्ध्वस्त
3 शिवरायांच्या समाधीवर घोषणाबाजी; शिवसेना आमदाराचा माफीनामा
Just Now!
X