शिर्डीमध्ये वाळुतस्करांनी कोतवालावर प्राणघातक हल्ला केला आहे. कोल्हार भगवती गावात मंगळवारी ही घटना घडली आहे. या मारहाणीत कोतवाल गंभीर जखमी झाला आहे. शिर्डीजवळच्या कोल्हार भगवती गावात वाळूतस्करांनी कोतवाल राजेंद्र गायकवाड यांना बेदम मारहाण केली आहे. वाळुची गाडी पकडल्याच्या रागातून ही मारहाण झाली. कोतवालासह आणखी एका व्यक्तीलाही मारहाण करण्यात आली. राहुरी पोलीस ठाण्यात गुन्हा दाखल करण्यात आला आहे. पण आरोपी अद्याप अटक करण्यात आलेली नाही.
